Častka budynkaŭ na płoščy Jakuba Kołasa ŭ Minsku pradadzienaja pryvatnym inviestaram
Častka budynkaŭ na pł. Jakuba Kołasa ŭ Minsku pradadzienaja pryvatnym inviestaram, pieradaje BIEŁTA z cyrymonii padpisańnia dahavoraŭ.
«Pradadzienyja abjekty, praduhledžanyja rasparadžeńniem ad 27 maja 2017 hoda. Havorka idzie pra budynak handlovaha centra «Impuls», a taksama abjekty, jakija prymykajuć da jaho. Pakupnikami stali dva inviestary pryvatnaj formy ŭłasnaści, rezidenty Biełarusi», — skazaŭ staršynia Dziaržaŭnaha kamiteta pa majomaści Andrej Hajeŭ.
Zhodna z rasparadžeńniem, terytoryju płanujecca asvojvać kompleksna. Minski harvykankam raspracoŭvaje kancepcyju asvajeńnia ŭsiaho kvartała, ahulny kirunak jakoha — inavacyjnaja placoŭka z akcentam na raspracoŭku prahramnaha zabieśpiačeńnia, ukaranieńnie navukajomistych technałohij. Tut taksama raźmieściacca abjekty handlu i absłuhoŭvańnia. Zaklučanyja dahavory jakraz praduhledžvajuć vykarystańnie nabytych budynkaŭ dla metaŭ, źviazanych, u pryvatnaści, z handlem, akazańniem roznych pasłuh, hramadskim charčavańniem. Takim čynam, budzie zabiaśpiečana kompleksnaje zasvajeńnie terytoryi.
Akramia taho, rasparadžeńniem dadzienaje daručeńnie znajści inviestaraŭ na čatyry abjekty ŭ rajonie pł. Jakuba Kołasa pa vulicy Kulman, 1. Ciapier pravodzicca praca pa vyvučeńni popytu na hetyja abjekty. Asnoŭnyja kirunki — navukajomistyja technałohii, raspracoŭka prahramnaha zabieśpiačeńnia.
Ciapier čytajuć
U minskim zaaparku praviaduć fiestyval ahniu. Kažuć, što žyvioły buduć u pamiaškańniach, tamu ŭsio narmalna1
Kamientary