Dabrabyt i ekanamičnaje raźvićcio ŭ dziaržavie zaležać ad układu kožnaha žychara krainy, zajaviŭ Alaksandr Łukašenka 7 studzienia, naviedvajučy Śviata-Duchaŭ kafiedralny sabor.
«Spadziavajciesia na dziaržavu, ale tolki ŭ tych pytańniach, jakija dziaržava pavinna vyrašać: biaśpieka, asnoŭnyja napramki našaha raźvićcia. Słovam, pasprabujcie zrabić dla siabie sami toje, što vy možacie zrabić. Kali kožny źvierniecca ŭ siabie i da siabie i zrobić toje, što jon pavinien zrabić, dziaržava i ŭłada ŭ abaviazku nie zastanucca. Heta ja vam abiacaju», — pryvodzić słovy Łukašenki pres-słužba.
Jon padkreśliŭ, što budzie rabicca ŭsio nieabchodnaje, kab biełaruskaja dziaržava z kožnym hodam stanaviłasia macniejšaj, a značyć, zastavałasia ŭ budučyni niezaležnaj. «Ja pra heta ŭžo kazaŭ u navahodnim zvarocie. Adzinaje, što my pavinny bačyć, i toje, čym my pavinny zajmacca, — heta ekanomika. Kali tolki my zrobim choć maleńki krok napierad u hetaj burnaj suśvietnaj kryzisnaj źjavie, heta abaviazkova adabjecca na dabrabycie i dastatku našaha naroda. Kali my zrobim hety krok, heta nadaść nam upeŭnienaść. Tamu ja tak nastojliva patrabuju ad urada, ad usich uzroŭniaŭ ułady, kab my pradmietna zajmalisia hetymi pytańniami», — adznačyŭ jon.
Ciapier čytajuć
«Ja dumaŭ, mianie nie moža ničoha ździvić». Na fudkorcie ŭ minskim HC zrabili płatnyja stały4
Kamientary