Ministerstva ŭnutranych spraŭ Polščy paviedamiła na aficyjnym sajcie pra pamier srodkaŭ, jakija atrymajuć arhanizacyi pradstaŭlajučyja nacmienšaści.
Z pryviedzienych ličbaŭ vynikaje, što Biełaruskaje Radyjo Racyja atrymaje 120 000 złotych na pieradačy dla biełaruskaj nacyjanalnaj mienšaści. Heta ŭdvaja mienš, čym 3 hady tamu, bo ŭ 2013 radyjo atrymała 250 000 złotych. U 2016 na ich było atrymana 200 000 złotych.
Srodki Ministerstva ŭnutranych spraŭ Polščy pryznačalisia na pieradačy «Padlašski kancert pažadańniaŭ», «Z Padlašša rodam», «Krajaznaŭčyja kropki», «Kazki małyšam», «Padlašski tydzień».
Kaža prahramny dyrektar radyjo Jury Laščynski: «Na praciahu čatyroch hadoŭ na 60% źmienšyłasia finansavańnie biełaruskich pieradač, padlašskich pieradač na Radyjo Racyja, pieradač dla biełaruskaj mienšaści. Z 2013 pierastali vychodzić čatyry pieradačy: «Narodnaja apteka», «Biełaruskaja maładziovaja», «Kulturnaje biaźmiežža». Što budzie ŭ 2017 hodzie ciažka skazać, ale hetych srodkaŭ našmat mienš».
U Ministerstva ŭnutranych spraŭ i administracyi Polščy padadzieny prajekty na 2017 hod na finansavańnie ŭžo isnujučych pieradač, a taksama 4 prajekty na novyja pieradačy.
Kamientary