Apošni artykuł «rehnumaŭca» Šyptenki: «Trecim zatrymanym moh by stać Makiej»
Trecim zatrymanym adeptam «ruskaha śvietu» staŭ karespandent «Rehnuma» ŭ Biełarusi Siarhiej Šyptenka. Jaho aryštavali dniom 9 śniežnia.
Šyptenka paśpieŭ adreahavać na zatrymańnie svaich adnadumcaŭ Paŭłaŭca i Alimkina. Jon apublikavaŭ pad psieŭdanimam Artur Hryhorjeŭ svoj apošni artykuł «Achviary impieryi: Biełaruś aktyvizuje supracoŭnictva z Polščaj» za niekalki hadzin da vizitu siłavikoŭ.
Cikava, što Šyptenka paśpieŭ pažartavać u hetym tekście nakont taho, chto b moh stać trecim padazravanym pa spravie ab raspalvańni varožaści. Jon pisaŭ pra… Uładzimira Makieja.
«Dla Polščy nie prajšło niezaŭvažanym imknieńnie biełaruskich uładaŭ sfarmavać novuju identyčnaść biełarusaŭ u jakaści naroda z polska-litoŭskimi karaniami, jaki abvieščany spadčyńnikam Vialikaha kniastva Litoŭskaha i Rečy Paspalitaj. Pra heta niedvuchsensoŭna i nieadnarazova zajaŭlaŭ kiraŭnik MZS Biełarusi Uładzimir Makiej. Pa słovach Makieja, biełarusy dahetul nie sfarmiravalisia jak nacyja. Tearetyčna zajavy kiraŭnika MZS Śledčy kamitet Biełarusi całkam moh by kvalifikavać pa art. 130 KK RB, zrabiŭšy čynoŭnika trecim u kampanii dacenta Juryja Paŭłaŭca i vartaŭnika Dźmitryja Alimkina», — tłumačyŭ Šyptenka.
Jak bačna, prahnoz akazaŭsia niedakładnym.
Ciapier čytajuć
Były biełaruski milicyjanier šukaje «parodzistuju pryhažuniu». Nazyvaje siabie miljanieram, a sam sudzicca z byłoj žonkaj za alimienty10
Kamientary