Palčys u liście: Niejmavierna ŭdziačny tym, chto skanduje ŭ padtrymku pad voknami suda
Źniavoleny błohier Eduard Palčys piša ŭ liście, što jamu «dobra čuvać siabry» i jon «niejmavierna ŭdziačny za takuju Salidarnaść». Pra heta raskazała jahonaja žonka Viktoryja Ščukievič.
Palčys, viadomy pa naźvie svajho sajta 1863x, znachodzicca ŭ SIZA. Jaho sudziać na zakrytym pracesie pa abvinavačvańni ŭ raspalvańni varožaści. Pravaabroncy ličać sud palityčnym, spravu — nadumanaj, Palčysa pryznali palitviaźniem.
Jak kaža Viktoryja, Palčys pieradaje vialikaje vitańnie i padziaku tym ludziam, jakija, na čale z Paŭłam Sieviaryncam, Źmitrom Daškievičam i Alesiem Makajevym, padtrymlivajuć jaho skandavańniem pad budynkam suda. Hetyja skandavańni, jak i hučnaja muzyka, jakuju ŭklučaŭ u svaim aŭtamabili inšy błohier, Anton Matolka, dobra čuvać u zale pasiedžańniaŭ.
Palčys taksama žartam prosić bierahčy siabie i nie prastudžacca na vulicy, kaža Viktoryja.
I žonka, i siabry čakajuć mahčymaści pabačyć błohiera na začytvańni vyraku, jakoje moža adbycca na nastupnym tydni.
Na raniejšych pasiedžańniach prysutničała tolki advakatka Palčysa Hanna Bachcina. Svajakoŭ Palčysa taksama nie dapuskali.
Žurnalist Andrej Pačobut ličyć, što hramadzianin Biełarusi Eduard Palčys, zatrymany ŭ Rasii, staŭ raźmiennaj manietaj u biełaruska-rasijskich palityčnych hulniach. «Uładzimir Uładzimiravič, hladzicie jak my zmahajemsia z rusafobijaj! Niahledziačy na ŭsie kryki, prycisnuli hałoŭnaha antyrasijskaha błohiera da paznohcia!» — iranična prakamientavaŭ jon praces.
Biaspałaŭ kančatkova rassvaryŭsia ź Cichanoŭskim: Dla jaho dobry tolki adzin čałaviek — Prakopjeŭ55
Kamientary