Ściahanoscam Biełarusi na Alimpijadzie stanie atlet, jaki źniavažliva vykazvaŭsia pra biełaruskuju movu
Stała viadoma, chto ź biełaruskaj zbornaj paniasie ściah na adkryćci Alimpijady-2016 u Rya-de-Žanejra. Pryniataje rašeńnie, što dziaržaŭny štandar paniasie ravaryst Vasil Kiryjenka.
Raniej płanavałasia, što ściahanoscam budzie strałok Siarhiej Martynaŭ. Źmieny ŭniesienyja pa prośbie Mižnarodnaha alimpijskaha kamiteta, jaki miarkuje, što takuju misiju pavinien vykonvać spartsmien, a nie trenier, paviedamlaje «Spartyŭnaja panarama»
Vasilu Kiryjenku 35 hadoŭ, jon rodam z Rečycy. Ciapier žyvie ŭ Ispanii. Hałoŭnaja jahonaja pieramoha ŭ indyvidualnaj honcy na čempijanacie śvietu 2015 hoda.
Šyroki rozhałas sioleta atrymali vykazvańni Vasila Kiryjenki pra biełaruskuju movu, jakuju jon nazvaŭ miortvaj.
«Mnie cikaviej było b viedać ichniuju movu eŭskiera, čym svaju, biełaruskuju. Čamu? Tamu što, prabačcie, moža kaho pakryŭdžu, ale biełaruskaja mova — nie žyvaja; heta miortvaja mova, na jakoj praktyčna nichto nie razmaŭlaje. Jaje, jak liču, u prymusovym paradku naviazvajuć, prykładam, prymušajuć vyvučać maju dačku.
Ja, pa vialikim rachunku, suprać hetaha. I kali mianie zapytajuć — ci treba tak rabić — adkažu: kaniečnie, nie! Ja niekali taksama vyvučaŭ movu, navat piaciorki mieŭ, ale paśla škoły jana mnie nidzie nie prydałasia!» — skazaŭ Kiryjenka.
Jak bačym, takija vykazvańni nie adbilisia niehatyŭna na pierśpiektyvach Kiryjenki, kali jamu davieryli takuju pačesnuju misiju.
Alimpijada ŭ Rya-de-Žanejra projdzie ad 5 da 21 žniŭnia.
-
«Usio, čaho ja chacieła dasiahnuć u žyćci, ja zrabiła ŭ Polščy». Lehkaatletka Žodzik raskazała pra Biełaruś, pieramohu i svoj hanarar
-
Najlepšy hulec matča treciaha dyvizijona atrymaŭ u padarunak viadro žuravin
-
Biełaruska Maryja Žodzik pryniesła Polščy adziny miedal na čempijanacie śvietu pa lohkaj atletycy — srebra
Ciapier čytajuć
Stali viadomyja novyja detali ŭ maštabnaj spravie arhanizataraŭ kancertaŭ4
Kamientary