Maskva trochi padabreła — i voś užo dziadźka Sem atrymlivaje anučaj pa tvary. Piša ŭ svaim błohu Alaksandar Kłaskoŭski.
Siońnia Łukašenka daŭ interviju "Rejter". Miarkujučy pa tych frahmentach, što padali biełaruskija krynicy, sensacyjaŭ nie prahučała.
Chtości, napeŭna, adrazu padumaŭ, što heta łord Beł sasvataŭ aŭtarytetnuju brytanskuju ahiencyju. Moža tak, a mo' j nie. Nahadaju: hod tamu, zadoŭha da taho, jak łord prapanavaŭ pijaraŭskija pasłuhi, biełaruski aficyjny kiraŭnik ŭžo davaŭ interviju "Rejter". Łukašenka ŭvohule byŭ naraschvat: zamiežnyja medyi śpiašalisia ź pieršych vusnaŭ pačuć pra svarku z Rasiejaj i namier razharnuć dyjaloh z Zachadam. Kamentatary napieraboj kazali pra novy trend.
Tady biełaruski kiraŭnik naŭprost zajaviŭ pra "imperskija zamaški" Rasiei i zapeŭniŭ, što ekanamičny ŭdar z uschodu — rezkaje padvyšeńnie koštaŭ na enerhanośbity — Biełaruś vytrymaje. Siońnia Łukašenka vykazaŭsia padobnym čynam, kamentujučy stasunki z Vašynhtonam: ""Pałochać nas sankcyjami nia treba, my vyžyviem".
Jak bačym, u vypadku zamiežnaj palityki aficyjnaha Miensku ŭsie "trendy" — heta nia bolej jak vahańni kivača. Maskva prycisnuła — pačynajucca hulni z Zachadam. Maskva dała kredyt i niedarahi haz, źjaviłasia nadzieja atrymać dyvidendy na "asymetryčnym adkazie" zaakijanskim imperyjalistam — i voś užo dziadźka Sem atrymlivaje anučaj pa tvary.
Pytańnie ŭ tym, ci vialiki jašče resurs hetaj majatnikavaj palityki. Miarkujučy pa siońniašnim interviju, u tutejšaha kiraŭnictva zastajecca, u pryvatnaści, nadzieja zhulać na prahmatyźmie Eŭraźviazu ("My hatovy z vami prajści pa lubym šlachu dziela taho, kab palepšyć našy adnosiny"), chacia i Bruselu vialikich abiacanak biełaruski bok nie daje. Pavodle BIEŁTA, "havoračy ab šlachach dalejšaha palapšeńnia dačynieńniaŭ Biełarusi z EZ, Alaksandar Łukašenka padkreśliŭ: "Heta pytańnie da Eŭrapiejskaha źviazu, a nie da mianie…". Karaciej, miač dziažurna pierakidajecca na bok Eŭropy.
Novy tur hulniaŭ z Zachadam moža aktyvizavacca pad kaniec hodu, kali prezydent Miadźviedzieŭ (ci dźviuchhałovy "Pućviedzieŭ") vyjavić ćviordaść u pierachodzie na rynkavyja košty enerhanośbitaŭ dla Biełarusi. Tady my i ŭbačym čarhovy trend. Trend kivača.
ZY. Tym časam stali viadomyja jašče niekatoryja vykazvańni Łukašenki ŭ interviju dla "Rejter". Ź ich vynikaje, što, mahčyma, niekalkich apazycyjaneraŭ uvosień prapuściać u Pałatu. Voś vam budzie i hulnia ŭ adlihu. Nu a voś u čym niama vahańniaŭ, dyk u hetym: "Kali sytuacyja budzie takoj, jak zaraz, i sa mnoj asabista, i ŭ krainie, to ja, zrazumieła, budu balatavacca na čarhovy termin... Raźličvajcie na horšaje" (apošniaja remarka, treba razumieć, adrasavanaja ŭsiamu hniłomu Zachadu ŭ asobie pradstaŭnikoŭ "Rejter":)
Ciapier čytajuć
Što za dvaccacihadovyja dziaŭčaty nalivajuć čaj Łukašenku4
Što za dvaccacihadovyja dziaŭčaty nalivajuć čaj Łukašenku
Źnikły Anatol Kotaŭ byŭ partnioram samaha vysokapastaŭlenaha biełaruskaha raźviedčyka, jaki pierajechaŭ u Polšču. Tut moža być kluč da razhadki jaho źniknieńnia7878
Źnikły Anatol Kotaŭ byŭ partnioram samaha vysokapastaŭlenaha biełaruskaha raźviedčyka, jaki pierajechaŭ u Polšču. Tut moža być kluč da razhadki jaho źniknieńnia78
Biełaruski psichijatr: Palihraf z 100 chłusaŭ nie vyjavić dvuch. A siemiarych tych, chto kaža praŭdu, abvinavacić u chłuśni — i heta pa aptymistyčnych acenkach1515
Kamientary