Vital Ryžkoŭ pryniaŭ vyklik Najdzionava na paetyčny batł, ale pry adnoj umovie
Litaralna tydzień tamu Mikita Najdzionaŭ, salist hurtu «Hurma» i małady paet, zapisaŭ videazvarot da žury premii «Debiut», dzie vykazaŭ niazhodu ź ich rašeńniem i vyklikaŭ troch čałaviek z žury na paetyčny batł. Padrabiaźniej pra heta možna pačytać tut.
U siłu abstavin Uładź Lankievič i Anton Rudak admovilisia ad udziełu u kulturnym spabornictvie. Vital ža Ryžkoŭ, jakoha taksama vyklikaŭ Najdzionaŭ, adkazaŭ na vyklik śpiavaka.
«Ja nie maju prava vykazvacca ad imia žury premii «Debiut» imia Bahdanoviča i vystupaju tut jak niezaležny litaratar, nie datyčny navat da tvorčych prafsajuzaŭ. Ideja vykliku na «batł» siabroŭ žury konkursu, dzie nie pieramoh, — absurdny i papuliscki chod, śmiešny sprobaj maksimalna skarystać dla samapijaru situacyju vakoł premii. Chod cyničny i nie mužčynski z toj pryčyny, što ad uhanaravańnia nichto z amataraŭ pieratvareńnia litaratury ŭ šou nie admoviŭsia.
Jany ŭziali hrošy, spadarstva, i raskryčalisia na ŭvieś śviet pra niespraviadlivaść. Hetyja ludzi pretendujuć na rolu maralnych aŭtarytetaŭ u budučyni. Vidać, čyjości miesca ŭ maładoj litaratury siońnia zaniali prafiesijnyja samapijarščyki, i prafiesija abaviazvaje ich uzdymać infarmacyjny šum vakoł svajoj piersony.
Škada, što takaja mahutnaja tvorčaja enierhija nie pajšła na samu tvorčaść.
Ja prymaju vyklik pry ŭmovie paćvierdžanaha dabračynnaha achviaravańnia ŭ fond «Viartańnie» ŭ sumie, ekvivalentnaj $435 (heta pamier premii za knihu, što zastaŭsia paśla apłaty padatku) — hrašyma, jakimi, pa słovach adnaho z pakryŭdžanych, jamu «plunuli ŭ tvar». Na dalejšaje raźvićcio premii «Debiut».
Apuskajučysia da ŭzroŭniu intelektu i ŭnutranaj kultury apanienta, ja staŭlu na kon svaju litaraturnuju reputacyju. Ale ja hatovy ŭziać udzieł u hetym šou «pry hledačach i biez cenzury» (darečy, a sudździ — chto?), vyhadnaje adzina i vyklučna samomu apanientu. Cana ŭvachodnaha kvitka ahučanaja.
Moj tekst na try raŭndy batłu ŭžo hatovy, i ja prosta prahnu pračytać jaho ŭ tvar apanienta. Ja vieru, što sp. Najdzionaŭ zładziŭ usio heta nie dziela hrošaj i vykanaje hetuju karysnuju dla kultury ŭmovu. Admova ž prademanstruje hramadskaści canu słova i novyja maralnyja jakaści sp. Najdzionava.
Kali pradstaŭnik Fondu «Viartańnie» paćvierdzić, što achviaravańnie adbyłosia, ja prapanuju apanientu kolki placovak na vybar, a taksama — videaapieratara, maderatara, abmiežavańni pa ŚMI dy inšuju arhanizacyjnuju drobiaź».
Nahadajem videa z uračystaj cyrymonii:
Mikitu Najdzionava nie zadavoliła adznaka žury, i jon vyrašyŭ vyklikać niekatorych jaho pradstaŭnikoŭ — Uładzia Lankieviča, Vitala Ryžkova i Antona Rudaka — na paetyčny batł.
Voś videazvarot Mikity da žury:
Kamientary