Učora ŭ Minsku prajšło ŭračystaje ŭručeńnie premii «Debiut». Mikita Najdzionaŭ, Aleś Płotka i Anchieła Eśpinosa Ruis byli naminavanyja na premiju ŭ žanry «Paezija».
Pavodle rašeńnia žury, u naminacyi «Paezija» pieramožca sioleta nie vyznačaŭsia, ale kožny atrymaŭ zaachvočvalnyja pryzy ŭ pamiery 11 miljonaŭ biełaruskich rubloŭ.
Videa z uračystaj cyrymonii:
Mikitu Najdzionava nie zadavoliła adznaka žury, i jon vyrašyŭ vyklikać niekatorych jaho pradstaŭnikoŭ — Uładzia Lankieviča, Vitala Ryžkova i Antona Rudaka — na paetyčny batł. «Našaj Nivie» Mikita situacyju prakamientavaŭ tak:
«Mianie abraziła, što žury, bolšaść ź jakoha letašnija-pazaletašnija debiutanty, nie zachacieła nikomu davać sioleta heta zvańnie. Nie try pieramožcy — a nivodnaha. Ja čytaŭ astatnija knihi z šort-lista. I luboj z ix možna śmieła dać «Debiut». Paety siońnia nie vyklikajuć na duel. Na batł taksama, ale mnie padabajecca hety farmat. Škada, što dvoje z traix «duelantaŭ» zlilisia. Usie nadziei na Ryžkova».
Videazvarot Mikity da žury:
Ci padtrymlivajecie vy takuju tvorčuju inicyjatyvu? A sam fakt, kali naminanty spračajucca z žury? Vykazvajciesia ŭ kamientach!
U Biełarusi znajšli kopiju šviejcarskich Alpaŭ — ale turystaŭ tam nie čakajuć2
Kamientary