Zaplanavanaja na 17 listapada sustreča z rasijskim ideołaham i piśmieńnikam Mikałajem Starykavym u Minsku adbudziecca. Pra heta Svabodzie paviedamili praz telefon, pa jakim možna zapisacca na ŭdzieł u mierapryjemstvie.
«Tak, usio ŭ sile, usio adbudziecca. Dla ŭdziełu treba paviedamić imia, proźvišča i kantaktny numar telefona», — skazali Svabodzie.
Vizit Mikałaja Starykava ŭ Minsk arhanizujuć infarmacyjny partał «Ruś Mołodaja» i mižnarodny miedyjakłub «Format-a3».
«Šmatpalarny śviet i asiarodki niestabilnaści» — tak paznačana tema razmovy z rasijskim hościem.
Za apošnija dva hady Mikałaj Starykaŭ napisaŭ knihi «Stalin. Uspaminajem razam», «Hieapalityka: jak heta robicca», «Ukraina. Chaos i revalucyja — zbroja dalara», «Rasija. Krym. Historyja», «Ułada».
Maderataram sustrečy maje być biełaruski televiadučy Vadzim Hihin.
Napiaredadni była admienienaja sustreča ź Mikałajem Starykavym u «Domie knihi «Śvietač»».
Ciapier čytajuć
Siarhiej Cichanoŭski zapuściŭ svoj jutub-kanał ź vieršami i kazkami39
Kamientary