Na sajcie multyłejbła «Piaršak» adbyŭsia reliz raźvitalnaha alboma «Krambambuli» «Čyrvony štral». Kancertnaja prezientacyja adbudzieca 7 listapada ŭ Vilni.
— Voś i ździejśniłasia. My ŭ lasach. U huščarach, satkanych imhłoju. Siarod biarozaŭ dy sosnaŭ. Bo ŭžo nijak nie atrymlivajecca tryvać usich hetych predsiedacielaŭ, milicyjantaŭ, kapitanaŭ Jahoravych i inšych savieckich niačyścikaŭ, jakija, niby tarakany, raspaŭźlisia pa našaj ziamli, žaruć naš chleb, pjuć našaje małako i chočuć, kab my byli ichnimi słužkami. Dyk voś nie atrymajecca! My viedajem našyja puščy, bary i lasy. Adsiul my dastaniem kožnaha akupanta. I kožny atrymaje toje, čaho zasłuhoŭvaje. I našaja pieramoha niepaźbiežnaja, bo z nami staradaŭni poklič «Hej, lićviny, Boh nam radzić!», — adznačajuć muzyki ŭ zajavie z nahody vychadu alboma.
Adnačasova z albomam vyjšła videa na pieśniu «Kab my kali kamu čaho», u jakoj hałoŭnyja vakalnyja partyi vykonvajuć amal usie ŭdzielniki «Krambambuli». Atmaśfierny rolik źniaŭ režysior i daŭni siabra hurta Maćviej Saburaŭ.
— Ja chacieŭ pakazać liryčnych hierojaŭ hetaha alboma — ludziej, jakija hatovyja baranić svoj rodny kraj pa-za miežami dakładnaha histaryčnaha času i situacyi. U kožnaha svaja asabistaja historyja, svaja baraćba.
Kancert u Vilni budzie składacca ź dźviuch častak: u pieršaj prahučyć «Čyrvony štral», u druhoj — lepšyja pieśni ad pačatku isnavańnia prajekta, u tym liku «Hości», «Absent», «Turysty», «Bieź ciabie», «Karčomka» dy inšyja. Novy albom atrymaŭ nazvu ŭ honar vilenskaj kaviarni pačatka XX stahodździa, dzie sustrakalisia dziejačy biełaruskaha adradžeńnia. Spampavać jaho možna na sajcie multyłejbła «Piaršak».
Biaspłatnaja viza (biez konsulskaha zboru) z terminam z 6 da 8 listapada ŭklučna vydajecca na padstavie nabytych u Biełarusi kvitkoŭ na mierapryjemstva. Pracedura razhladu vizavych chadatajnictvaŭ - sproščanaja, tamu daviedki ź miesca pracy/navučańnia, paćvierdžańni płatazdolnaści nie patrabujucca. Pakrokavaja instrukcyja pa atrymańni vizy i rehistracyja na padaču dakumientaŭ- tut.
-
U lidara hurta a-ha Mortena Charkieta dyjahnastavali chvarobu Parkinsana
-
Hanna Bond krytykuje, deputatka Mirončyk-Ivanova śpiavaje pra «krošku»: u Minsku z anšłaham prajšoŭ kancert «Ruki vvierch»
-
Kab źniać prapahandyscki klip, prydvorny kampazitar Alejnik vyciahnuŭ litaralna z-pad kropielnicy 86-hadovuju babulu
Ciapier čytajuć
Hurt «Drazdy» pakidaje scenu i vinavacić u hetym «hipieraktyŭnych błohieraŭ»5
Hurt «Drazdy» pakidaje scenu i vinavacić u hetym «hipieraktyŭnych błohieraŭ»
«Vajna ŭsio śpiša». Biełaruskim udzielnikam hiej-prajda ŭ Vilni pahražali raspravaj ad imia biełaruskich vajaroŭ za vykarystańnie bieła-čyrvona-biełaha ściaha182182
Kamientary