Maŭlaŭ, da arnamientaŭ na adzieńni ŭsie ŭžo pryvykli…
Minski fatohraf Julija Fančan prapanavała ŭłasny, niezvyčajny pohlad na falkłornuju temu praz pryzmu (dakładniej, abjektyŭ) bjuci-žanru. Fataset «Arnamient» byŭ pradstaŭleny ŭ błohu Noir4Noir.
«Vielmi niečakana i pryjemna było toje, što ŭsie adzinadušna padtrymali prajekt, — raspaviadaje fatohraf. — Było šmat stanoŭčych vodhukaŭ, spadziajusia, što mnohija voźmuć hetuju ideju na realizacyju i buduć rabić svaje krutyja zdymki-prajekty. Čas užo pačynać lubić svaju krainu i kulturu».
Stylizacyja, naniesanaja prosta na tvary madelej, maje biełaruskija arnamienty «Łapa na šasnaccać rastoŭ», «Vaśmiroh», «Znak viesnavoj pachaty, admykańnia ziamli, zamužža, žanočaj krasy», «Kvitniejučy kryž» i inšyja.
Jak pišuć u błohu, da arnamientaŭ na adzieńni my ŭžo zvykli, i kali dla adnych aŭtaraŭ jany stali siezonnaj zabavaj, to dla inšych — abjektam, vartym daścipnaha vyvučeńnia. «Nie dumaju, što tut varta pieraličvać brendy/kalekcyi — mocnyja pracy «adčuvajucca skuraj», — piša aŭtar.
Ale bjuci-žanr «bolš adkryty dla niefarmalnych krokaŭ» i, jak pakazała rabota Fančan, dazvoliŭ pahladzieć na fałkłornuju temu inakš.
Hladzicie taksama: Ajčyna na skury. Fotahistoryja ad Siarhieja Hudzilina
Da «Dnia narodnaha adzinstva» pamiłavali 25 čałaviek4
Kamientary