2 sakavika ŭ Dušanbe byŭ demantavany apošni pomnik Uładzimieru Leninu, ustalavany ŭ centralnym parku kultury j adpačynku ŭ 1925 hodzie.
2 sakavika ŭ stalicy krainy Dušanbe byŭ demantavany apošni pomnik Uładzimieru Ŭljanavu‑Leninu. Bronzavy vołat, ustalavany ŭ Centralnym parku kultury j adpačynku ŭ 1925 hodzie, byŭ źniaty z pastamentu j pieradadzieny ŭ mastacki fond Tadžykistanu.
Na dumku haradzkoj ułady, pomnik Leninu nie pasuje centralnamu parku kultury, bo imia i dziejnaść pravadyra suśvietnaha praletaryjatu nie źviazanyja z tadžyckaj kulturaj. Paśla rekanstrukcyi parku miesca Lenina zojmie klasyk tadžyckaj litaratury Rudaki. Parku ŭžo prysvojena jaho imia.
Adnak, pakolki skulptura Lenina źjaŭlajecca tvoram mastactva, było vyrašana pieradać jaje ŭ mastacki fond, a nie kampartyi Tadžykistana, kiraŭnictva jakoj nieadnojčy źviartałasia z prośbaj pieradać joj pomnik. Lidery partyi planavali ŭstalavać statuju pierad svaim ofisam.
Kamientary