Kałonka amierykanskaj studentki ab pryvabnaści mužčyn z žyvatom zapuściła dyskusiju, da jakoj dałučylisia jak prostyja karystalniki sieciva, tak i vydańni ŭzroŭniu Time i The Washtington Post.
Pra heta ŭ svaim artykule piša tjournal.ru.
U apošnija niekalki tydniaŭ termin «dad bod» (vytvornaje ad «dad body» — «baćkoŭskaje cieła») pačaŭ nabirać vialikuju papularnaść u ŚMI. Virusnuju słavu ŭ siecivie «dad bod» zdabyŭ paśla publikacyi artykuła studentki ŭniviersiteta Kłemsana Makienzi Pirsan pad nazvaj «Čamu dziaŭčaty lubiać «dad bod».
U svaim materyjale Makienzi apisała źjavu jak «pryjemny bałans pamiž piŭnym puzam i płoskim žyvatom», jaki kaža pra toje, što chłopiec čas ad času zaziraje ŭ trenažornuju zału, ale moža źjeści ŭ vychodny dzień vosiem kavałkaŭ picy za raz i nie imkniecca dasiahnuć daskanałaj fizičnaj formy.
Pirsan ličyć «dad bod» idealnym stanam dla mužčyny, tamu što pobač z takim chłopcam dziaŭčynie nie treba namahacca vyhladać biezdakorna. Na jaje dumku, mnohija žančyny, naadvarot, chočuć hladziecca pryhažej za svaich mužčyn, kab adčuvać siabie bolš upeŭniena.
Makienzi taksama adznačaje, što z uładalnikami «dad bod» kamfortna razam jeści, a jašče ich pryjemna abdymać.
Staŭleńnie da hetaj tezy padzialiłasia.
Chtości ź viadomych žurnalistaŭ i publičnych asob kaža pra toje, što heta tolki pavialičvaje niaroŭnaść pałoŭ. Bo ŭ takim vypadku mužčyny atrymlivajuć kudy bolš svabody ŭ farmiravańni svajho vyhladu, u toj čas jak žančyny musiać hetak ža sačyć za saboj.
U toj ža čas kałumnist The Washington Post Piter Choli, naadvarot, padtrymaŭ «dad bod» i ŭ svaim tekście raspavioŭ, što z 20 da 30 hadoŭ nie vyłaziŭ z trenažornaj zały, adnak biezdakornaja forma nie tolki nie rabiła jaho bolš pryciahalnym dla žančyn, ale i adšturchoŭvała ich: jany mahli chvalić jaho bicepsy, ale nie imknulisia budavać ź im adnosiny i navat, naadvarot, ličyli jaho «niebiaśpiečnym».
Na dumku Choli, źjaŭleńnie ŭ jaho nievialikaha puza vyrašyła ŭsie hetyja prablemy i zrabiła jaho bolš pryvabnym dla supraćlehłaha połu. Žurnalist źviazaŭ hetuju źjavu sa źmienami ŭ adnosinach pamiž mužčynami i žančynami ŭ suviazi z patrabavańniami času.
«U naš čas žančyny šukajuć chłopcaŭ, jakija majuć dobruju pracu, lubiać dziaciej i prapanujuć im miakki žyvocik, na jakim pryjemna palažać paśla ciažkaha dnia — usie hetyja rečy abiacaje «dad bod». Mužčyny z žorstkimi torsami i šyrokimi bicepsami zanadta šmat času pravodziać u trenažornaj zale, im niama kali zachoŭvać kuchniu ŭ čyścini», – piša žurnalist.
Akramia ŚMI, u dyskusii ab «dad bod» pryniali ŭdzieł i karystalniki sieciva. Mnohija ź ich pačali žartavać pra toje, što ciapier puzam možna hanarycca.
Častka karystalnikaŭ sietki adkryta padtrymała trend.
Niekatoryja ludzi, jakija zajmajucca sportam, sustreli ideju rezka niehatyŭna, nazvaŭšy jaje apraŭdańniem lanoty.
«Dad bod» chutka nabiraje papularnaść u jakaści miema. U siecivie ŭžo možna nabyć roznyja suvieniry, źviazanyja z hetym rucham. Pad hety trend pačali ładzić roznyja fiestyvali, jakija tak ci inakš adlustroŭvajuć hramadskuju pazicyju pa hetaj temie.
A ci možna nazvać Biełaruś pryvabnaj krainaj dla amataraŭ «dad bod»?
Takim čynam, tema dla dyskusij ličycca adkrytaj.
Žonka Statkieviča raskazała, pra što paśpieła parazmaŭlać ź im13
Kamientary