Ahalajem nohi. Abirajem mužčynski abutak na leta
My vyrašyli ŭmacavać vašyja viedy pra asnovy stylu i zadumali sieryju materyjałaŭ pra bazavyja rečy z mužčynskaha arsienała. Pačniom, mabyć, z ahladu letniaha abutku. Bo zusim chutka pryjdziecca ahalać i raspranać nohi. Paśla spynimsia na letniaj vopratcy.
Top-sajdary
U pačatku minułaha stahodździa, kali prydumali top-sajdary, samym važnym u ich ličyłasia padešva — humovaja i sa šmatlikimi prarezami, jakaja zdolnaja była b utrymać maraka na ślizkaj pałubie.
Ciapier top-sajdary ceniacca chutčej za ich źniešni vyhlad – niefarmalny i lohki. Zrešty, karysnaja funkcyja hetaha abutku nikudy nie źnikła, tak što ŭ lubym stanie budziecie stajać na ziamli ŭ ich tryvała. Dy i padychodziać jany faktyčna pad usio, akramia vielmi dziełavoha kaściuma.
Makasiny
U makasinaŭ troški papsavanaja reputacyja, choć naohuł heta całkam vysakarodny abutak, prydumany dla honščykaŭ. Pra toje, kab paśla makasiny stali zvykłaj častkaj paŭsiadzionnaha harderoba, a nie tolki abutkam honščykaŭ, pakłapacilisia italjancy z Car Shoe i Tod's.
Łofiery
Isnujuć šmatlikija raznavidnaści łofieraŭ (pra ich my ŭžo pisali raniej), ale ahulnaja zakanamiernaść takaja — heta aficyjnaha vyhladu tufli, jakija nie treba rasšpilvać, kab nadzieć. U hetym usia sutnaść łofieraŭ — čaravikaŭ dla hultajoŭ, kali dasłoŭna pieravieści z anhlijskaj ich nazvu loafer. Jakija mienavita łofiery patrebnyja vam, vyrašajcie sami, vybar tut samy vialiki: z pendźlikami, z prarezami, sa spražkaj, jak u Gucci, jakija zaŭhodna. Jany ŭniviersalnyja i sapraŭdy pryhožyja. Praviła prostaje: na pracu vy abuvajecie łofiery sa škarpetkami, na špacyr – biez.
Kiedy
Biełyja kiedy — reč niezamiennaja: mała što moža hladziecca darečy ŭ samych roznych vypadkach — ad parusnaj rehaty da kupli małaka ŭ susiednim supiermarkiecie. Kiedy, aproč inšaha, spałučajucca amal z usim. My nie asabliva raim ich abuvać pad dziełavy kaścium. Choć ciapier i heta aktyŭna praktykujecca. Kali vielmi chočacca, to možna ŭsio.
Letam biełyja kiedy nabyvajuć jašče adnu važnuju funkcyju — u ich nie tak horača, jak u astatnich: biełaja tkanina amal nie nahravajecca, što zabiaśpiečvaje nazie maksimalny kamfort.
Flip-fłop (ci ŭ narodzie — šlopancy praz palec)
Flip-fłop — abutak nie samy pradstaŭničy. Heta samy kiepski varyjant z usich mahčymych. Ale, pakul nie prydumali ničoha bolš zručnaha dla prahułak pa plažy, jany buduć źjaŭlacca ŭ śpisach rečaŭ, jakija treba ŭziać u adpačynak. Pažadana tam ža ich pakinuć, kab vypadkova nie vyjści ŭ šlopancach u horad.
Sandali
Usie viadomyja knihi pa mužčynskim styli i modzie imknucca paźbiahać temy ab mužčynskich sandalach. A kali takaja tema nie aśviatlajecca ŭ surjoznaj litaratury, možna z upeŭnienaściu skazać, što aŭtar całkam abo častkova suprać mužčynskich sandalaŭ.
U viadomym časopisie Esquire ŭ adnym z artykułaŭ było napisana, što «kali vy bačycie hołyja nohi mužčyny pierad vami, to pavaha da jaho pamianšajecca na 61%». Ale heta my pakidajem vyklučna na vaš hust.
Tolki vielmi i vielmi prosim nie nadziavać pad ich škarpetki. Heta tyčycca ŭsiaho letniaha abutku. Skažam NIE škarpetkam letam.
Ciapier čytajuć
Žonka Statkieviča raskazała, pra što paśpieła parazmaŭlać ź im16
Kamientary