Novym kiraŭnikom Biełaruskaj asacyjacyi žurnalistaŭ abrany Andrej Bastuniec FOTA
U Minsku prajšoŭ IX čarhovy źjezd hramadskaha abjadnańnia «Biełaruskaja asacyjacyja žurnalistaŭ» (BAŽ).
Žanna Litvina 20 hadoŭ zajmała pasadu staršyni BAŽ.
Členam BAŽ nieabchodna vybrać novaje kiraŭnictva, pryniać papraŭki ŭ Kodeks prafiesijnaj etyki i abmierkavać vyniki dziejnaści arhanizacyi za apošnija try hady.Na źjezd, jaki prachodzić u hateli Crown Plaza, pryjechała 87 z 88 delehataŭ, vyłučanych rehijanalnymi filijałami asacyjacyi i asobnymi redakcyjami.
Napiaredadni źjezda niaźmienny kiraŭnik BAŽ Žanna Litvina zajaviła, što nie budzie vyłučać svaju kandydaturu na pasadu staršyni.
Delehaty źjezda ŭstali, kab padziakavać spadaryni Litvinoj vopleskami za doŭhuju addanuju pracu.
«Ja biaskonca ŭdziačnaja maim kaleham, jakija na minułym źjeździe mianie padtrymali i adekvatna pastavilisia da toj chvali dyskredytacyi, jakaja była raźličana na razvał arhanizacyi, — skazała Litvina ŭ intervju časopisu «Abažur», jaki vypuskaje BAŽ. — Ale isnuje «zakon hramadskaj stomlenaści». Ja adčuvaju, što hety krok ciapier prosta nieabchodny. Kab zachavać pavahu da siabie, navat z ulikam taho, što BAŽ — nieadjemnaja častka majho žyćcia».
U BAŽ uvachodziać 1150 čałaviek.
Na prapanovu Rady novym kiraŭnikom arhanizacyi byŭ adzinahałosna abrany namieśnik Žanny Litvinoj Andrej Bastuniec.
Namieśnikami staršyni arhanizacyi byli abranyja Alaksandr Starykievič («Salidarnaść»), Śviatłana Kalinkina («Narodnaja vola» / «Biełsat»), Michaś Jančuk («Biełsat») i Alina Suraviec (BAŽ).
Ciapier čytajuć
Marata Markava pierasunuli z pasady ministra infarmacyi ŭ ministry kultury32
Kamientary