«Zhadajcie hety kavałak lodu!» Tramp sustreŭsia z hienieralnym sakratarom NATA i znoŭ zahavaryŭ pra Hrenłandyju
«Hety vialiki, drenna kiravany kavałak lodu!»
Hienieralny sakratar NATA Mark Rute sustreŭsia ŭ Biełym domie z Donaldam Trampam. Heta była ich pieršaja sustreča paśla taho, jak Tramp raskrytykavaŭ sajuźnikaŭ u Jeŭropie za admovu dałučycca da vajny, jakuju ZŠA i Izrail viaduć suprać Irana, paviedamlaje Bi-bi-si.
Paśla hetaha prezident ZŠA zajaviŭ, što Amieryka moža vyjści z arhanizacyi, u jakoj Złučanyja Štaty adyhryvajuć klučavuju rolu i jakuju Tramp raniej nazyvaŭ «papiarovym tyhram». Heta zajava Trampa, pavodle słoŭ pres-sakratara Biełaha doma, mahła stać adnoj z tem razmovy Trampa i Rute.
Sustreča prajšła za začynienymi dźviaryma. U intervju CNN Rute nazvaŭ razmovu «vielmi adkrytaj i ščyraj», adnak nie adkazaŭ naŭprost na pytańnie, ci kazaŭ Tramp pra vychad z NATA. Pavodle słoŭ Rute, Tramp «zasmučany» pavodzinami sajuźnikaŭ.
Prezident ZŠA prakamientavaŭ sustreču ŭ Truth Social, paskardziŭšysia, što «NATA nie dapamahło nam, kali nam heta było treba», i dadaŭ: «Uspomnicie Hrenłandyju — hety vialiki, drenna kiravany kavałak lodu!»
Namier Trampa «atrymać» Hrenłandyju, aŭtanomiju ŭ składzie Danii, spravakavaŭ kryzis u NATA.
Paźniej prezident ZŠA zajaviŭ, što nie płanuje siłaj zachoplivać vostraŭ, ale paabiacaŭ, što «nie zabudzie» niehatyŭnuju reakcyju na svaju ideju z boku sajuźnikaŭ z NATA.
Na hetym tydni Wall Street Journal pisała sa spasyłkaj na krynicy pra žadańnie Trampa «pakarać» jeŭrapiejskija krainy, jakija admovilisia ad udziełu ŭ vajnie ZŠA i Izraila suprać Irana.
Ciapier čytajuć
Žycharka Daniecka zajechała praź Biełaruś va Ukrainu, kab pamianiać pašpart i pajechać žyć u Jeŭropu. Akazałasia, pierad tym jana vajavała za Rasiju88
Žycharka Daniecka zajechała praź Biełaruś va Ukrainu, kab pamianiać pašpart i pajechać žyć u Jeŭropu. Akazałasia, pierad tym jana vajavała za Rasiju8
«Z rasijan-naviednikaŭ pracentaŭ 70 akazvalisia vatnikami». Eks-hid z muzieja VAV, jakoha zatrymlivali jaho ž ekskursanty, ciapier papularny ŭ Varšavie — pahutaryli ź im1414
Kamientary