Kali ty siadziš u zale i da ciabie z trybuny źviartajecca prezident, u płanie dres-kodu asabliva nie razhulaješsia, ale ž navat u takich umovach možna prajavić svoj ułasny styl i vyhladać prystojna. Tamu my sabrali niekalki prostych paradaŭ, jak vyłučycca na fonie sumnaj masy deputackaj bolšaści.
1
Padbirajcie aryhinalnyja aksesuary
Kali z koleram kaściuma ŭsio davoli stroha, to možna vyłučycca adcieńniem (ale nie malunkam — nijakich kocikaŭ) halštuka abo dobrymi hadzińnikami.
2
Zrabicie ŭžo narešcie sabie sučasnuju pryčosku
Dobraja pryčoska, nu ci chacia b pravilnyja vusy kažuć pra mužčynu značna bolš, čym dumajuć deputaty. Tak što pakul prabor i akuratna padstryžanyja skroni nie trapili pad sankcyi, prapanujem terminova adpravicca ŭ dobry sałon.
3
Znajdzicie prydatny abutak
Čornyja kaściumy — dla achoŭnikaŭ i pachavańnia. Biarycie sinija: da ich i abutak padabrać lahčej. Naprykład, karyčnievyja derbi buduć hladziecca całkam darečy. Pačytajcie naš artykuł.
4
Znajdzicie stylnuju apravu dla akularaŭ
Prastakutnyja tonkija apravy pakińcie modnym prahramistam, a vam treba źviartacca da kłasiki.
5
Ekśpierymientujcie z krojem i fasonam kaściuma
Kali ŭ biespamiernych kaściumach siadzić 99% urada, heta jašče nie značyć, što tak rabić pravilna. Schadzicie da kraŭca – pinžak pa talii i źlohku zavužanyja štany ŭ lubym vypadku lepš (da taho ž jany vizualna zrobiać vas zhrabniejšym). Dla bolšaj pierakanaŭčaści vaźmicie kaścium-trojku abo dvuchbortny pinžak zamiest adnabortnaha.
Raźbiarom kožnuju detal kaściumu.
Pinžak
1. Nie varta vybirać zanadta vialiki ci zanadta vuzki pamier pinžaka. Pinžak pavinien «siadzieć» u plačach, nibyta vy ŭ im naradzilisia. Navat pry vyciahnutych rukach, na śpinie nie pavinny źjaŭlacca załomy abo zmorščyny. Šyrokija plečy nijak nie zrobiać vas bolš mužnym, jak by vam nie chaciełasia.
2. Pamiž rukavom i talijaj pinžaka, kali vy jaho nadzieli, zašpilili i apuścili ruki, pavinien zastavacca nievialiki praśviet. Kali jaho niama, hety pinžak vam zanadta vialiki.
3. Łackan pinžaka pavinien być biez adzinaj składki, kali vy apuskajecie ruki i zašpilvajecie ŭsie huziki.
4. Što tyčycca daŭžyni pinžaka. Kłasičnaj daŭžynioj mužčynskaha pinžaka dla ludziej siaredniaha rostu ličycca ŭzrovień pačatku vialikaha palca ruki. Mužčynam vysokaha rostu varta vybirać bolš doŭhi pinžak, a mužčynam nievysokaha rostu — bolš karotki.
Tak nielha rabić! U bolšaści čynoŭnikaŭ zašpileny nižni huzik.
5 Nie zabyvajcie, što luby adnabortny pinžak, ź luboj kolkaściu huzikaŭ, moža być zašpileny na ŭsie ź ich, akramia nižniaha. Heta staradaŭniaja anhielskaja tradycyja, jakuju da hetaha času vykonvaje cyvilizavanaje hramadstva. Nie darečy nasić i całkam rasšpileny pinžak. Pinžak rasšpilvajecca tolki ŭ tym vypadku, kali vy siadajecie.
6. Kaścium, u jakim pinžak i štany roznych tonaŭ abo pašytyja z roznych materyjałaŭ adnaho koleru — pa-raniejšamu na piku mody.
Kašula
7. Miž kaŭniarom zašpilenaj kašuli i vašaj šyjaj pavinien źmiaščacca adzin palec. Kali załaziać dva — kašula vam vialikaja. Kali palec nie załazić, a kaŭnier kašuli ŭpivajecca ŭ šyju, pieratvarajučy jaje ŭ kaŭbasu – taksama nie varyjant.
8. Manžet kašuli pavinien vyhladać z-pad rukava pinžaka na 1-1,5 sm.
9. Sačycie za tym, kab kašula nie była vam vialikaj. Jana hetak ža, jak i pinžak, musić idealna siadzieć u plačach.
Štany
10. U naš čas možna vyłučyć try varyjanty daŭžyni, i na anhlijskaj movie dla kožnaha z varyjantaŭ isnuje svaja nazva: full break, half break, no break. Tut break paznačaje składku na štanach, jakaja ŭtvarajecca śpieradu ŭ nižniaj častcy štanoŭ. I tak, try ty:
- Kali vy staicie, to vašyja štany pavinny abaviazkova dakranacca da čaravika.
- U kansiervatyŭnym anhlijskim styli ličycca, što štany pavinny dastavać da abcasa čaravika (full break),
- U svaju čarhu sučasnyja italjanskija trendy miarkujuć, što štany mohuć ledź-ledź dakranacca da čaravika (no break)
Vam, jak čynoŭniku, lepš za ŭsio padydzie pieršy varyjant.
Papruha
Nie zabudźciesia, što papruha musić spałučacca z koleram abutku.
Halštuk
1. Łackan pinžaku musić być praparcyjny šyryni halštuka: čym šyrejšy łackan, tym šyrejšy halštuk (nu i naadvarot).
2. Halštuk zaŭsiody musić być ciamniejšym za kašulu.
3. Ekśpierymientujcie z krojem. Heta nie abaviazkova bliskučy halštuk, jaki pradajecca ŭ kožnaj kramie.
Škarpetki
1. Ni ŭ jakim razie nielha dapuścić, kab pad čas siadzieńnia niechta pabačyŭ kavałak vašaj hołaj i vałasataj nahi.
2. Prajšoŭ toj čas, kali u kramach pradavalisia škarpetki adnaho koleru. Tamu varta karystacca mahčymaściami i źviartać uvahu na inšy koler. Heta aktualna dla ŭsich, akramia chiba prezidenta ci premjer-ministra padčas vielmi surjoznych sustreč. A kali vy zvyčajny čynoŭnik, to lohka apranajcie bardovyja, ciomna-sinija, ciomna-harčyčnyja ci ciomna-zialonyja škarpetki.
Abutak
Lepš za ŭsio pad vaš kaścium padyduć oksfardy ci brohi. Hałoŭnaje, kab abutak byŭ čysty.
Kali ciažka vyznačycca z koleram, voś padkazka:
A dla nahladnaha prykładu taho, jak apranajucca vašyja kalehi, voś vam, kali łaska, były mer Ńju-Jorka Majkł Błumbierh ci Abama, jaki časta ŭznačalvaje rejtynhi modnych palitykaŭ.
Kali vy zachavajecie našyja parady i nastupny raz pieračytajecie ich pierad pachodam u kramu za kaściumam, to abiacajem, što vy budziecie samym modnym u našym uradzie.
Da «Dnia narodnaha adzinstva» pamiłavali 25 čałaviek4
Kamientary