Kalifarnijcy prapanavali apieracyju pa źmienie koleru vačej na błakitny
Cana pytańnia — 5 tysiač dalaraŭ, ale apieracyja pakul nie dazvolenaja ŭ ZŠA.
Miedycynskaja kampanija Strōma z kalifarnijskaha horada Łahuna-Bič prapanavała praceduru pa vydaleńni łazieram pihmientu ŭ vačoch. Pa apieracyi radužnaja abałonka nabudzie błakitny koler, raspaviadaje CNET.
U čas apieracyi łazier upłyvaje na miełanin — pihmient, jakoha mnoha ŭ karych vačoch, mała ŭ zialonych i niama ŭ błakitnych.
Pracedura doŭžycca 30 siekund. Padčas jaje pacyjentu fiksujuć hałavu i pakazvajuć animacyju na admysłovym ekranie na adlehłaści 30 santymietraŭ. Cana apieracyi — 5 tysiač dalaraŭ.
Koler vačej mianiajecca nie imhnienna, łazier vyklikaje ŭ arhaniźmie pracesy, praź jakija vočy pačnuć śviatleć ciaham niekalkich tydniaŭ.
Na siońnia pracedura nie dazvolenaja na dziaržaŭnym uzroŭni ŭ ZŠA, ale pravodzicca pa-za miežami krainy.
Niekatoryja krytyki kažuć, što apieracyja moža stać pryčynaj pihmientalnaj hłaŭkomy. Apieracyja budzie dazvolenaja ŭ ZŠA tolki paśla maštabnych miedycynskich testaŭ.
***
Błakitnyja vočy raspaŭsiudžanyja najbolš siarod jeŭrapiejcaŭ. Błakitny albo sini koler vačej maje absalutnaja bolšaść estoncaŭ.
Ciapier čytajuć
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam3030
Kamientary