Arhanizacyi, jakija vystupajuć suprać pracesaŭ, charaktaryzavalnych imi jak isłamizacyja Jeŭropy, a taksama ich apanienty, praviali ŭviečary ŭ paniadziełak šmatlikija akcyi pa ŭsioj Hiermanii ŭ padtrymku svaich pohladaŭ.
Rekordnaja kolkaść praciŭnikaŭ isłamizacyi sabrała tradycyjnaja akcyja ŭ Drezdenie — 18 tysiač čałaviek. Akcyja ich praciŭnikaŭ u Drezdenie sabrała kala troch tysiač čałaviek.
Tysiačy ludziej pryniali ŭdzieł u maršach ŭ Bierlinie, Kiolnie, Drezdenie i Štutharcie.
U niamieckaj stalicy kala piaci tysiač čałaviek błakavali niekalki sotniaŭ prychilnikaŭ kansiervatyŭnaha ruchu «Patryjatyčnyja jeŭrapiejcy suprać isłamizacyi Zachadu» (PEGIDA), jakaja i pačała štotydzień arhanizoŭvać akcyi pratestu suprać isłamizacyi ŭ Drezdenie.
Padčas štotydniovych demanstracyj łozunhi na transparantach prychilnikaŭ PEGIDA ŭklučajuć u siabie takija, jak «Za zachavańnie našaj kultury», «Suprać relihijnaha fanatyzmu» i «Suprać relihijnych vojnaŭ na niamieckaj ziamli».
Pa dadzienych niamieckich ŚMI kala 22 tysiač čałaviek u Štutharcie, Miunstary i Hamburhu pratestavali suprać PEGIDA.
Ciapier čytajuć
«Dali 3600 rubloŭ štrafu». Na biełarusku napisaŭ palityčny danos chłopiec, ź jakim jana chadziła na spatkańni i jakoha złaviła na zdradzie24
Kamientary