Uviadzieńnie 30% zboru pahražaje spynieńniem impartu lekaŭ, bo handlovyja nadbaŭki na ich abmiežavany
Patrebny terminovyja źmieny ŭ zakanadaŭstvie.
Pastaŭki impartnych lekavych srodkaŭ i miedycynskich tavaraŭ u Biełaruś mohuć całkam spynicca litaralna na dniach. I sprava zusim nie ŭ skvapnaści imparcioraŭ.
Cenaŭtvareńnie na lekavyja srodki, vyraby miedycynskaha pryznačeńnia i miedycynskuju techniku rehulujecca Ukazam prezidenta №366 ad 11 žniŭnia 2005 hoda. U pryvatnaści, pamier aptovaj nadbavki, jakuju imparciory mohuć užyć da ŭviezienych tavaraŭ, abmiažoŭvajecca dla lekavych srodkaŭ 2—11%, dla tavaraŭ miedyčnaha pryznačeńnia — 5—13%.
Takim čynam, imparcior lekaŭ, zakupiŭšy tavar za miažoj na 1000 dołaraŭ, zmoža pradać jaho u Biełarusi nie bolš jak za 12,1 młn. rublej. I heta tolki ŭ tym vypadku, kali razmova idzie pra samyja tannyja leki, ź impartnym koštam da 5 dalaraŭ za adzinku tavara, što dazvolić užyć maksimalnuju nadbaŭku 11%.
Pradaŭšy tavar i atrymaŭšy hrošy ad klijentaŭ, imparcior pojdzie na biržu, kab kupić valutu dla raźliku z pastaŭščykom. Za hetyja 12,1 młn. rublej jon zmoža kupić mienš za 854 dołary. Takim čynam, čystaja strata na takoj impartnaj apieracyi navat pry maksimalnaj hurtovaj nadbaŭcy składzie 15% ad sumy zakupki. Pry hetym my nie biarem u raźlik inšyja zvyčajnyja raschody, jakija ŭźnikajuć pry viadzieńni biźniesu.
U časie finansavaha kryzisu 2011 hoda, kali peŭny čas isnavaŭ padvojny kurs valuty, imparciory miedycynskich tavaraŭ byli nadzielenyja pravam kuplać valutu pa kursie Nacbanka. Ciapier vyklučeńnie — prava nabyvać valutu biez 30% zboru — zroblenaje tolki dla impartu nafty i hazu.
Kab nie adbyłosia pierabojaŭ z pastaŭkami miedycynskaj pradukcyi, ułady mohuć pryniać adno z dvuch rašeńniaŭ. Abo ŭnieści źmieny va ŭkaz prezidenta, jaki rehuluje paradak raźliku raźlikova-adpusknoj cany miedycynskaha impartu (dazvolić uklučać u jaje 30-pracentnuju kamisiju), abo zrabić takoje ž vyklučeńnie dla imparcioraŭ lekaŭ i miedycynskich tavaraŭ, jakoje zroblena dla imparcioraŭ enierharesursaŭ. Inakš impart lekaŭ i miedtechniki moža spynicca.
Ciapier čytajuć
«Maje śpinahryzy sa mnoj». Cichanoŭskaja raskazała, što ŭžo vybiraje dla dziaciej škołu ŭ Varšavie9
Kamientary