KCHŁ zabaraniła minskamu «Dynama» vykarystoŭvać biełaruskuju movu padčas pres-kanfierencyj
Biełaruski žurnalist Viačasłaŭ Fiedarenkaŭ raspavioŭ, što Kantynientalnaja chakiejnaja liha ŭviała zabaronu na vykarystańnie biełaruskaj movy padčas pres-kanfierencyj.
«Jašče adna KCHŁaŭskaja navina apošniaha tydnia sa znakam «minus» — faktyčna zabarona Maskvy na vykarystańnie biełarusami biełaruskaj movy. Spakvala heta zdaryłasia jašče niekalki hadoŭ tamu, kali liha pierachodziła na łacinku pry napisańni proźviščaŭ na džersi hulcoŭ i zasiekła inicyjatyvu Minska vykarystoŭvać biełaruskuju transkrypcyju.
I voś — novaje: na treci hod pačuŭšy, što ŭstupy na trenierskich bryfinhach hučać na movie Kupały, liha niečaha psichanuła, vyniesła «zubram» «strohaje z papiaredžańniem», paabiacaŭšy dalej karać rasijskim rublom.
Nie viedaju, jak u kaho, a ŭ mianie heta vyklikała aburanaje «čaho?!» I tamu, što sumniavajusia: ci naŭrad anałahičnuju pryncypovaść Maskva ryzyknie prajavić u dačynieńni, skažam, Chielsinki abo Zahraba. I tamu, što na siekundu ŭjaviŭ,
jak NCHŁ, naprykład, zabaraniaje «Manrealu» vykarystoŭvać francuzskuju.
Pakul nie viedaju aficyjnaj pazicyi dynamaŭskaha kiraŭnictva na hety kont, ale na jaho miescy, prynamsi, pasprabavaŭ by pazmahacca. Choć by z pačućcia nacyjanalnaha honaru. Kali pieraškadžajuć niejkija punkty rehłamientu (znoŭ ža dziŭna, što pra ich KCHŁ uzhadała na treci hod),
treba damahacca jaho źmianieńnia abo ahavorak dla nierasijskich kłubaŭ, jakija spakojna isnujuć u častcy lehijanierskaha limitu.
Bałazie jość z kim u hetaj častcy sabrać kaalicyju, dy i sami pa sabie my ŭ mižnarodnaj lizie — nie śviniačy chvościk. A to tak i budziem zajmacca čysta pisańniem. Chaj i na hierbavaj papiery, ale na čužoj, na što jaje ŭładalnik budzie pakazvać pry lubym zručnym vypadku. A jano nam treba?..», - skazaŭ Fiedarenkaŭ.
Ciapier čytajuć
Minčuk źniaŭ rolik pra čarhu ŭ paliklinicy, dzie było bolš za 150 čałaviek. Za heta na jaho napisali zajavu ŭ milicyju10
Kamientary