Finansavy kansultant Vital Runco: Biełarusam stali dastupnyja zamiežnyja inviestfondy
Finansavy kansałtynh u Biełarusi stanovicca ŭsio bolš zapatrabavanym vidam pasłuh. Dapamahać hramadzianam piśmienna kiravać asabistymi finansami i efiektyŭna inviestavać svoj kapitał – voś hałoŭnaja misija finansavych kansultantaŭ.
Jak pravilna aščadžać hrošy, źbirać na kvateru i ŭ čym palahaje chleb finansavaha kansultanta my spytali Vitala Runco, inviestara, pradstaŭnika kampanii «Asabisty kapitał» u Minsku.
«Naša Niva»: Vital, čym zajmajecca Vaša kampanija?
Vital Runco: Historyja kampanii «Asabisty kapitał» pačynajecca z 2002 hoda. Da asnoŭnych pasłuh možna adnieści płanavańnie asabistych finansaŭ, inviestavańnie, strachavańnie, supravadžeńnie inviestycyj, abaronu i ŭspadkoŭvańnie kapitału.
«NN»: U čym śpiecyfika finansavaha kansałtynhu?
VR: Jana palahaje ŭ tym, što dla kožnaha klijenta nieabchodna padabrać indyvidualnaje rašeńnie, jakoje adpaviadaje kankretnamu čałavieku i jaho metam. Mety i patrabavańni klijenta mohuć adroźnivacca pa sumach, terminach, dastupnych inviestycyjnych instrumientach, dapuščalnych uzroŭniach ryzyki — uličvajecca šmat faktaraŭ.
Za apošnija hady istotna pašyryŭsia śpis dastupnych inviestycyjnych instrumientaŭ. U pieršuju čarhu, heta tyčycca zamiežnych uzajemnych fondaŭ, biržavych inviestycyjnych fondaŭ — Exchange Traded Funds, praduktaŭ strachavych kampanij, akcyj i ablihacyj asobnych kampanij.
Heta dazvalaje pry realizacyi asabistaha finansavaha płana skarystacca lubymi isnujučymi ŭ śviecie inviestycyjnymi instrumientami. Zamiežnyja banki, strachavyja i inviestycyjnyja kampanii istotna pašyryli śpis pasłuh, jakija nadajucca hramadzianam z krain SND.
Zaraz praktyčna kožnamu dastupnyja inviestycyi na fondavym rynku z vykarystańniem finansavych instytutaŭ z suśvietnym imiem.
«NN»: Vy pracujecie ŭ Minsku i Maskvie: samyja asnoŭnyja adroźnieńni i blizkaść biełaruskaha i rasijskaha rynkaŭ?
VR: Adsutnaść u Biełarusi mnohich miascovych inviestycyjnych instrumientaŭ pryvodzić da taho, što biełarusy viedajuć i vykarystoŭvajuć tolki bankaŭskija depazity i rentnuju nieruchomaść.
U Rasiei ž užo daŭno isnujuć pajavyja inviestycyjnyja fondy (PIFy), banki prapanujuć bolšy vybar ułasnych praduktaŭ, brokierskija i kirujučyja kampanii prapanoŭvajuć šyrokuju liniejku inviestycyjnych mahčymaściaŭ.
Kali paraŭnoŭvać Minsk i Maskvu, to biezumoŭna adroźnivajecca i ŭzrovień dabrabytu ŭ absalutnych ličbach.
«NN»: Rastłumačcie, kali łaska, na kankretnym prykładzie, što takoje asabisty finansavy płan i inviestycyjny partfiel. Voś mnie 29 hadoŭ, dapuścim, ja adkładać mahu ŭ miesiac $ 1000…
VR: Asabisty finansavy płan heta karta, jakaja pakazvaje što, jak i kali varta rabić, kab dasiahnuć svaich finansavych metaŭ.
Inviestycyjny partfiel -heta nabor inviestycyjnych instrumientaŭ, u jakija raźmiarkoŭvajecca kapitał čałavieka.
***
Vital Runco — finansavy kansultant, pradstaŭnik kampanii «Asabisty kapitał» u h.Minsku, samastojna inviestuje z 2007 h., maje klijentaŭ u troch krainach. Jaho praca zaklučajecca ŭ vyvučeńni finansavaj situacyi klijenta i prapanovie tych rašeńniaŭ, jakija aptymalna padychodziać dla kankretnaha čałavieka i jaho siamji.
Kamientary