Matč Biełaruś—Ukraina zrabili trybuny: fanaty dźviuch krain razam śpiavali pra Pucina i «Žyvie Biełaruś»
A lik 0:2. Biełarusy prajhrali.
Na hetym usio. Našy, na žal, prajhrali - 0:2.
Mnie tut padkazvajuć, što biełarusy prynieśli na trybunu davoli vialiki bieł-čyrvona-bieły ściah. Prabačcie, nie zaŭvažyŭ.
92+
Uzorna-pakazalnaja kontrataka zbornaj Ukrainy. I Siarhiej Sidarčuk pavialičvaje pieravahu svajoj kamandy - 0:2.
87-aja
Martynoviča mianiajuć na Savickaha. Abaroncu na forvarda.
84-aja
Času, kab adyhracca zusim mała. Jaki kryŭdny hoł…
82-aja
Aŭtahoł. Biełarusy zabili sami sabie. Alaksandr Martynovič - antyhieroj momanta.
Ukraincy pranieśli krychu piratechniki na siektar.
80-aja
Na hulni prysutničaje 10 512 hledačoŭ.
77-aja
Narešcie Kandraćjeŭ vypuskaje čystaha napadnika. Siarhiej Karnilenka zamianiŭ Michaił Hardziejčuka.
76-aja
Dobry momant mieŭ Stas Drahun, jaki biŭ ź miažy štrafnoj, ale Piataŭ paciahnuŭ.
U adnoj z nastupnych atak va Ukrainy ledź nie atrymałasia ŭciekčy ŭ kontrataku.
72-aja chvilina
Fanackaja šyza siońnia, kaniečnie, na ŭzroŭni. U biełaruskim fan-siektary čałaviek 1200, va ŭkrainskim - kala 800.
69-aja
U hulni zacišša. Słova znoŭ uziali fanaty. Try supierpieraklički siektaroŭ. «Žyvie Biełaruś», «Słava Ukrainie», «Razam i nazaŭždy».
65-aja
Znoŭ abodva fan-siektary zaciahnuli ŭkrainska-biełaruski chit pra Pucina. Pryčym, na hety raz inicyjatarami byli biełarusy. Och, cikava, ci buduć jakijaści nastupstvy hetamu.
62-aja
Darečy, u dźviuch inšych sustrečach hrupy naśpiavajuć mini-siensacyi. Słavakija vyjhraje ŭ Ispanii - 1:0. A Luksiemburh pakul macniej Makiedonii - 2:1.
55-aja
Biełarusy ŭsio aktyŭniej pačynajuć pierachodzić na ŭkrainskuju pałovu pola. U cełym možna skazać, što našy pierachoplivajuć inicyjatyvu.
Pakul pisaŭ hetyja słovy Juryj Žaŭnoŭ vyratavaŭ Biełaruś. Hulnia ŭsio jašče biez zabitych miačoŭ.
51-aja
Cikava, što ŭ pieršym tajmie vyrubiłasia tabło na adznacy 38 chvilin. U Biełarusi była zamiena. Zamiest Stasieviča vyjšaŭ Kiślak.
Našy chłopcy mieli niekalki dobrych momantaŭ u pačatku tajma.
46-aja chvilina
Futbalisty vychodziać na pole. Pakul toje, što adbyvajecca na trybunach cikaviej za padziei na poli.
45-aja
Pieršy tajm skončyŭsia. Alaksandr Martynovič mieŭ cudoŭny momant adkryć lik, ale ź jahonym udaram va ŭpor spraviŭsia Piataŭ. Pieršy tajm skončyŭsia - 0:0.
36-aja
Biełaruski fan-siektar zaśpiavaŭ «Nie być skotam».
A pierad hetym była prosta ašałamlalnaja pieraklička «Razam i nazaŭždy». Biełarusy hukali «Razam», a ŭkraincy - «nazaŭždy».
35-aja
Prabačcie, na stadyjonie prablemy z netam. Tamu nie zaŭsiody apieratyŭna atrymlivajecca vykładać naviny.
Ukraincy padciskajuć u hulniavym płanie biełarusaŭ. Našy robiać staŭku na kontrataki. Ale absalutna realnych momantaŭ zabić nie było ni ŭ tych, ni ŭ tych.
23-aja chvilina
Na poli pakul ničoha cikavaha nie adbyvajecca. Ukraincy pakul krychu aktyŭniej.
Była pryhožaja pieraklička: «Słava Ukrainie! Hierojam słava». A paśla fan-siektar hukaŭ «Žyvie Biełaruś». Zdajecca, raniej biełarusy «Žyvie Biełaruś» doma hukać nie advažvalisia.
15-aja chvilina
Kanaplanka niebiaśpiečna prastrelvaŭ u štrafnuju, ale nichto nie zmoh zamknuć.
10-aja chvilina
Paviedamlajuć, što na BT vyklučyli interšum. Pakinuli tolki hołas kamientatara.
6-aja
Biełarusy taksama hukajuć «Pucin - chu…ło». Pakul u hulniavym płanie ŭkraincy aktyŭniej.
5-aja
Pucin - chu…ło! Niadoŭha čakali ŭkrainskija fanaty.
3-aja chvilina
Ciažka skazać, jaki z fan-siektaraŭ bolš šmatliki. I tam, i tam pa tysiačy čałaviek
1-aja chvilina
Hulnia pačałasia. Usio jašče śpiavajuć «Voinaŭ śvieta». Jašče ahramadny banier ab siabroŭstvie Biełarusi i Ukrainy.
21:45
Fantastyka! Ukraincy kryčać «Žyvie Biełarusi». Biełarusy zaciahnuli «Voiny śvieta». Uch, śpiakotna na trybunach!
21:44
Adhučali himny. Zaraz pačniecca hulnia.
21:36
Biełaruski fan-siektar pakazaŭ svaju mahutnaść. Kryčali pakul prosta «Biełaruś». Hości adkazali kličam - Ukraina.
Znoŭ čuvać «Chto nie skača, toj maskal». Za trybunami budzie sačyć nie mienš cikava, čym za hulnioj.
21:32
Chłopcy ź siektara B-12 paviedamlajuć, što niekatorych nie chacieli prapuskać u bieła-čyrvonych šalikach. Pryčym Pahoni ci bčb-ściaha tam nie było.
Na siektary B-12 raściažka «Napierad, Biełaruś».
21:30
Atmaśfiera na stadyjonie davoli družalubnaja. Nijakaj ahresiŭnaści nie zaŭvažyŭ.
Ukraincaŭ pryjechała ŭ Biełaruś bolš za tysiaču čałaviek.
21:27
Ukrainskija žurnalistki dzivilisia nadhladu, jaki prachodziŭ kala ŭvachodu ŭ pres-centr. Asabliva tamu, što žurnalistaŭ prosiać uklučyć noŭtbuk. A to raptam tam bomba! Kažuć, što va Ukrainie žurnalistaŭ nichto nikoli nie šmanaje. A my ŭžo zvyklisia.
21:25
Stadyjon pakul amal što pusty. Zaŭziatary jak zaŭsiody vyrašajuć pryjści ŭ apošni momant, choć i ryzykujuć nie paśpieć da pačatku hulni.
Biełaruś budzie hulać ź piaćciu abaroncami, choć fłanhavyja Bałanovič i Palakoŭ buduć aktyŭna padklučacca ŭ ataku. U napadzieńni niečakana vyjšaŭ Michaił Hardziajčuk. Kandraćjeŭ praciahvaje ździŭlać.
21:21
Składy kamand.
Biełaruś: Žaŭnoŭ, Martynovič, Filipienka, Vierchaŭcoŭ, Bałanovič, Palakoŭ, Drahun, Kryviec, Stasievič, Kałačoŭ, Hardziajčuk.
Ukraina: Piataŭ, Kučar, Chačarydzi, Fiadziecki, Šaŭčuk, Ściepanienka, Edmar, Rotań, Jarmolenka, Zazula, Kanaplanka.
21:18
Uładzimir Navicki na stadyjonie abviaščaje składy na biełaruskaj i ukrainskaj movach. Jašče hučyć anhielskaja, a voś rasijskaj niama zusim.
Ukrainski fan-siektar užo pasprabavaŭ aściarožna pahukać: «Chto nie skača, toj maskal». Biełarusy pakul nie asabliva padtrymali.
***
Siońnia na supiersučasnaj našaj «Barysaŭ-Arenie» buduć hulać zbornyja Biełarusi i Ukrainy. Matč projdzie ŭ ramkach adboru da čempijanatu Jeŭropy pa futbole.
Akramia spartovaha vyniku, usich cikavić atmaśfiera na matčy. Biełaruskaja milicyja staranna adbiraje ŭ zaŭziataraŭ lubuju nacyjanalnuju simvoliku: Pahoni, bieł-čyrvona-biełuju atrybutyku. Čaho, adnak, nie adbiareš — heta hołasu.
Ukrainskija zaŭziatary na matčach apošnim časam skandujuć dziorzkuju kryčałku pra nabalełaje, pra čałavieka, jaki prynios va Ukrainu vajnu — pra Pucina. Ci aśmielacca padtrymać ich biełarusy? Što buduć skandavać u Barysavie?
Ciapier čytajuć
Byłoha milicyjaniera asudzili za žadańnie vajavać u Pałku Kalinoŭskaha. Pahražała da 15 hadoŭ kałonii19
Kamientary