23 žniŭnia 1939 byŭ padpisany pakt Mołatava-Rybientropa.
23 žniŭnia 1939 hoda Saviecki Sajuz i nacysckaja Hiermanija padpisali pakt ab nienapadzie ŭ Maskvie, prakładvajučy šlach da nacysckaha i savieckaha napadaŭ na Polšču ŭ nastupnym miesiacy i da pačatku Druhoj suśvietnaj vajny. Viadomaje pad niefarmalnaj nazvaj «pakt Mołatava-Rybentropa» — pavodle proźviščaŭ savieckaha ministra zamiežnych spraŭ Viačasłava Mołatava i ministra zamiežnych spraŭ Hiermanii Joachima fon Rybentropa — pahadnieńnie raźviazała Adolfu Hitleru ruki, kab napaści na Polšču, nie aścierahajučysia sutyknieńnia z SSSR. U toj ža čas Hitler i Josif Stalin uchvalili sakretny pratakoł, jaki padzialiŭ Centralnuju i Uschodniuju Eŭropu na «sfery ŭpłyvu».
Niamiecki ministar zamiežnych spraŭ Joachim fon Rybentrop (źleva), saviecki lider Josif Stalin i saviecki ministar zamiežnych spraŭ Viačasłaŭ Mołataŭ (sprava) sustrelisia ŭ Kramli 23 žniŭnia 1939 hodu, kab padpisać pakt ab nienapadzie.
Mołataŭ padpisvaje damovu. Pakt daŭ Savieckamu Sajuzu čas padrychtavać vojski da kanfliktu, jaki vyhladaŭ niepaźbiežnym.
Fon Rybentrop ciśnie ruku Stalinu paśla padpisańnia Damovy ab siabroŭstvie, supracoŭnictvie i demarkacyi, jakaja była praciaham paktu ab nienapadzie.
Apošniaja staronka (na niamieckaj movie) dadatkovaha sakretnaha pratakołu, jaki padzialiŭ centralnuju i ŭschodniuju Eŭropu na «sfery ŭpłyvu».
Toj samy dakument pa-rasiejsku.
Adolf Hitler sustrakajecca z fon Rybentropam u rajchskancalaryi pa viartańni taho z Maskvy.
Mapa, apublikavanaja ŭ savieckaj hazecie «Iźviestija» 18 vieraśnia 1939 hodu, na nastupny dzień paśla savieckaha napadu na Polšču, pakazvaje demarkacyjnuju liniju, jakaja vyznačana paktam Mołatava-Rybentropa.
Niamieckija i savieckija vojski sustrakajucca na demarkacyjnaj linii, abo tak zvanaj «Miažy miru», u vieraśni 1939 hodu.
Saviecki kamisar Uładzimier Baravicki sustrakajecca ź niamieckimi aficerami ŭ zachoplenym Bieraści, kab abmierkavać padzieł Polščy pamiž dźviuma armijami.
Niamieckija i savieckija vajskoŭcy sustrakajucca ŭ Bieraści 22 vieraśnia 1939 hodu.
Savieckija i niamieckija vajskoŭcy ŭ zachoplenym Bieraści, dzie jany naładzili supolny parad pieramohi 22 vieraśnia 1939 hodu.
Saviecki kamisar Baravicki i adzin ź jaho vajskoŭcaŭ kala branievika ŭ Bieraści.
Niamiecki padpałkoŭnik Hustaŭ-Adolf Rybel ciśnie ruku savieckamu kamandziru bryhady Siamionu Kryvašeinu padčas supolnaha nacyscka-savieckaha paradu ŭ Bieraści.
Brytanski pohlad na pakt ab nienapadzie ŭ karykatury Dejvida Łoŭ u hazecie Evening Standard 20 vieraśnia 1939 hodu.
Pakt Mołatava-Rybentropa, apublikavany ŭ savieckaj hazecie «Praŭda» 28 vieraśnia 1939 hodu.
Stalin i fon Rybentrop na vokładcy amerykanskaha časopisu Newsweek 9 kastryčnika 1939 hodu.
Mołataŭ (źleva) u Berlinie 14 listapada 1940 hodu. Pakt ab nienapadzie zastavaŭsia ŭ dziejańni da niamieckaha ŭvarvańnia ŭ Saviecki Sajuz 22 červienia 1941 hodu.
-
Ličyli abjom popiełu. Adkul uziaŭsia novy lik źniščanych u Traściancy — 546 tysiač čałaviek?
-
Pacierki z marskich lilej, jakim sotni miljonaŭ hadoŭ. Na Biełarusi tysiačahodździami rabili ŭpryhažeńni z akamianiełaściej
-
«Pad mietrovym šurfam — kamiennaja šlifavanaja siakiera». Archieołahi raskazali pra važnyja vyniki sioletnich padvodnych raskopak
Ciapier čytajuć
Azaraŭ zakryŭ płan «Pieramoha» i pieravioŭ usich udzielnikaŭ u rezierv3
Azaraŭ zakryŭ płan «Pieramoha» i pieravioŭ usich udzielnikaŭ u rezierv
Biełaruska arhanizavała adpačynak dla dziaciej palitviaźniaŭ na Łazurnym bierazie. Jana raskazała, jak uciakała z krainy i jak jaje zatrymlivaŭ Interpał1010
Kamientary