U Biełarusi nie płanujecca ŭvodzić padatak na bahaćcie, zajaviŭ padčas anłajn-kanfierencyi na sajcie dziaržaŭnaha infarmahienctva BiełTA ministr pa padatkach i zborach Uładzimir Pałujan.
«Z ulikam mnostva faktaraŭ i ŭ metach zachavańnia tendencyi rostu pastupleńniaŭ padachodnaha padatku ŭ biudžet, niedapuščeńnia sychodu kapitału ŭ cień, ministerstvam nie płanujecca ŭviadzieńnie dyfierencyravanaha padatkaabkładańnia dachodaŭ hramadzian (tak zvanaha padatku na bahaćcie)», — zajaviŭ ministr.
Jon nahadaŭ, što ŭ metach refarmavańnia padatkovaj sistemy i spraščeńnia padatkovaha administravańnia 1 studzienia 2009 hoda ŭzamien raniej dziejnaj prahresiŭnaj škały padachodnaha padatku (ad 9% da 30% u zaležnaści ad pamieru atrymanaha dachodu) uviedziena adzinaja staŭka ŭ pamiery 12%, što dazvoliła skaracić śfieru štohadovaha dekłaravańnia dachodaŭ. «Prymianieńnie adzinaj staŭki padachodnaha padatku taksama dazvoliła vyvieści častku dachodaŭ ź cieniu i, jak vynik, pavysiła ŭzrovień pastupleńniaŭ padachodnaha padatku i jaho ŭdzielnuju vahu ŭ struktury dachodnych krynicaŭ biudžetu. Dla daviedki, za piać miesiacaŭ hetaha hoda ŭ struktury płaciažoŭ u biudžet, što kantralujucca padatkovymi orhanami, padachodny padatak źjaŭlajecca druhoj (udzielnaja vaha 20,2%) paśla padatku na dadadzieny košt krynicaj dachodaŭ biudžetu», — skazaŭ kiraŭnik viedamstva.
«Aprača taho, u našych partnioraŭ pa Mytnym sajuzie Rasii i Kazachstana taksama adsutničajuć dyfierencyravanyja staŭki padachodnaha padatku, što ŭ vypadku adnabakovaha ŭviadzieńnia respublikaj padatku na bahaćcie moža paciahnuć adtok rabočaj siły z terytoryi respubliki na terytoryju inšych krain Mytnaha sajuza», — miarkuje ministr.
Ciapier čytajuć
U minskim zaaparku praviaduć fiestyval ahniu. Kažuć, što žyvioły buduć u pamiaškańniach, tamu ŭsio narmalna1
Kamientary