Pavieł Šaramiet zaklikaje ŭkraincaŭ baranić Danbas sa zbrojaj u rukach
Piša Pavieł Šaramiet.
«Dziŭna, ale da hetaha času mnohija hadajuć, čaho choča Pucin u adnosinach staŭleńni da Ukrainy. Zadajucca dziŭnymi pytańniami: nu navošta Pucinu biedny Danbas? Krym zrazumieła, a Danbas-ta navošta? Napeŭna, kab pavysić staŭki pierad pieramovami ŭ Ženievie. Heta samaja papularnaja viersija.
Palitołahi vysmoktvajuć z palca składanyja schiemy, jakija tłumačać, čaho choča Pucin i čaho jamu chacieć nie varta. Heta samapadman albo sproba vydać žadanaje za sapraŭdnaje.
Užo vidavočna, što meta Pucina i ciapierašniaj rasiejskaj ŭłady — rasčlanieńnie Ukrainy. I čym raniej va Ukrainie ujaviać sabie maštab pahrozy, tym mienšyja buduć straty.
Jość ludzi ŭ Rasii, jakija ličać, što «ŭkrainski pachod» supiarečyć rasiejskim intaresam i pryviadzie krainu da najciažejšaha kryzisu i, mahčyma, novaha raspadu. Ale da taho času, jak heta adbudziecca, naprykład, hadoŭ praz 5-10, dziaržava Ukraina naohuł moža źniknuć z karty Jeŭropy. U ciapierašnich miežach dyk dakładna.
Pahladzicie na pieršy malunak. Kali vy ŭ pošukavych sistemach zabjecie «Płan Pucina pa Ukrainie», to vam sistema vydaść siarod pieršych mienavita hetuju kartu.
Čyrvonym adznačanyja rehijony Ukrainy, jakija mohuć adyści da Rasii. Naprykład, u vyhladzie Paŭdniova-Uschodniaj respubliki abo ŭ jakaści novych rasijskich hubierniaŭ, jakija dałučacca da Rasii praź śpiecyfičny refierendum.
Jość bolš ścipły varyjant — malunak № 2.
Pucinu nie patrebnyja tolki try vobłaści na ŭschodzie Ukrainy, jon pasprabuje zabrać uvieś paŭdniova-ŭschodni pojas z vychadam na Małdovu i Prydniastroŭje. Heta faktyčna paŭtor pachodu Kaciaryny Vialikaj ź niekatorymi karekciroŭkami.
Uziaŭšy Ukrainu siarpom źnizu, Rasija ŭrazajecca ŭ cieła Uschodniaj i Centralnaj Jeŭropy. Całkam kantraluje Čornaje mora, Małdovu, vychodzić na Bałharyju. Ukraina pieratvarajecca ŭ treciaradnuju, z usich bakoŭ adsiečanuju dziaržavu bieź jakoha-niebudź surjoznaha ekanamičnaha patencyjału.
Vy dumajecie, Pucina strymlivajuć sankcyi Jeŭropy i ZŠA? Zhubnaja samanadziejnaść!
Paśla Kryma, jaki dastaŭsia Maskvie nie prosta lohka, a uzbudžalna lohka, Rasija prosta pravodziła pierahrupoŭku sił. I udaryć u luby momant.
Pieršy krok — destabilizacyja va ŭschodnich rehijonach Ukrainy. I my ciapier usio heta bačym u poŭny rost.
Druhi etap — nie vyklučana ŭviadzieńnie abmiežavanaha kantynhientu dla abarony mirnaha nasielnictva ad «bJenderaŭcaŭ». Naprykład, 10-11 maja, kali ŭ roznych haradach Ukrainy nacyjanalisty «zładziać napady» na vieteranaŭ Vialikaj Ajčynnaj vajny. «Našy dziady abaranili nas ad fašyzmu, zaraz my abaviazanyja abaranić!» — Čym nie vydatny łozunh dla maštabnaj apieracyi.
Tamu va ŭsich rasijskich miedyjach raskručvajecca lubaja navina pra apahanieny pomnik ci sarvany čyrvony ściah. Hetamu padyhryvajuć i pa-prarasiejsku nastrojenyja žychary paŭdniovaha ŭschodu Ukrainy.
Usie, chto pierakonvaje nas u niesurjoznaści hetych płanaŭ, albo durni, albo ahienty.
Rasijskaje hramadstva znachodzicca ŭ militarysckim ekstazie. Pucin i Rasija spyniacca roŭna tam, dzie heta dazvolać ukraincy. Pakul z Maskvy zdajecca, što spynicca možna budzie ŭ Kijevie.
Ci jość u ciapierašniaj ukrainskaj ułady płan? Palityčny, ekanamičny, vajenny, ideałahičny, narešcie. Ci zdolnyja novyja ŭłady Ukrainy pierałamać situacyju? Dziejničać na apiaredžańnie, a nie reahavać biezdapamožna na rasijski nastup?
Zaraz Kijeŭ pavinien pahladzieć na situacyju ćviaroza, achapiŭšy usio całkam i nie spadziavacca, što Maskva raptam adstupić.
Nieabchodna adkazać sabie ščyra — ci hatovyja vy zmahacca za ŭschod i poŭdzień Ukrainy? Za poŭdzień, byccam by, hatovyja, a za ŭschod? Davodziłasia čuć i takuju viersiju — što na ŭschodzie vajavać moža i nie buduć, ale voś Kijeŭ nie addaduć. Ale ž nichto i pytacca ŭžo nie budzie, paśla adryńvańnia ŭschodu!
Addaŭšy choć piadziu svajoj ziamli, vy ryzykujecie stracić usio ci amal usio.
Pahladzicie, jak Rasija trymajecca za Kuryły. Padobna na toje, što va Ukrainie cełymi rehijonami hatovyja raskidvacca. Moža, heta vynik taho, što ŭkrainskaja nacyja da hetaha času nie sfarmavałasia. Jość ukraincy zachadu, centra i uschodu, ale razam jany jašče nie nacyja, a tak — supolnaść kazakoŭ.
Niama jašče ŭkrainskaj nacyi, abo jana nie asensavanaja ŭ isnujučych miežach, zanadta vialikaja heta prastora, prastora sučasnaj dziaržavy Ukraina.
Mahčyma, z hetaj vajny ŭkraincy vyjduć nacyjaj. Pašancuje — moža, zachavajuć i ciapierašnija miežy. Ale dla hetaha treba skoknuć litaralna vyšej za hałavu, napružyć usie intelektualnyja i fizičnyja siły naroda.
Uschod choča sabie harantyj i dadatkovych pravoŭ. Tak razmaŭlajcie ź ludźmi, nie vyłaźcie litaralna z Daniecka, Łuhanska, Charkava, Adesy, Chiersona. Tłumačcie, što addajecie amal usiu ŭładu ŭ rehijony. Słuchajcie, pierakonvajcie, uhavorvajcie, tłumačcie ludziam, što vy chočacie zrabić i jak, kab jany nie pałochalisia i nia biehli va ŭsie baki.
Adčuvajecie svaju siłu — zmahajciesia! Nie — tady zdavajciesia i adychodzicie na zahadzia padrychtavanyja pazicyi.
Tolki nie hulajcie ŭ palityku, nie intryhujcie adzin z adnym. Heta ŭsio dziciačyja hulni ŭ piasočnicy. Staŭki ŭžo bolš, čym žyćcio.
Nie važna ciapier, chto budzie prezidentam Ukrainy, pryncypova — ci budzie Ukraina naohuł.
Ukraina pa ŭsich frantach prajhraje infarmacyjnuju vajnu Rasii. Rasijskaja prapahanda panuje nie tolki na ŭschodzie Ukrainy, ale i ŭ Jeŭropie.
Chopić handlavać pasadami i pryznačać idyjotaŭ na pasty tolki tolki tamu, što jany «je spravžnimi patriotami». Zaŭtra nie budzie čym handlavać.
Nie chapaje tałkovych kadraŭ? Śmialej padciahvajcie moładź. Asabliva ŭ vajennaj spravie. Nie chapaje intelektualnych resursaŭ? Pryciahvajcie dla štodzionnaha analizu śpiecoŭ z boku, žurnalistaŭ, aktyvistaŭ, vuzkich śpiecyjalistaŭ.
Zaraz nie čas dla kapryzaŭ i adpačynku. Zastałosia ŭ krainy ŭsiaho ničoha, miesiac-paŭtara.
I kali Ukraina adzinaja, to vaźmiciesia za ruki, znajdzicie adzin adnaho na zachadzie i ŭschodzie, telefanujcie adzin adnamu, źjeździcie ŭ hości. Bo była ž takaja sproba pierad anieksijaj Kryma, ale čamuści zabylisia pra jaje, mabyć, vyrašyŭšy, što samaje strašnaje ŭžo minuła.
Bo ŭsio tolki pačynajecca.
Kamientary