Sproba destabilizavać situacyju na ŭschodzie Ukrainy nakiravana na zryŭ prezidenckich vybaraŭ, ale hety scenar nie budzie realizavany, ličyć Piotr Parašenka.
«My nie damo realizavać hety scenar. Scenar admieny, pieraškody abo pieranosu prezidenckich vybaraŭ nie projdzie. Ukraina sfarmuje mocnuju prezidenckuju viertykal, Ukraina zdolnaja dziejničać efiektyŭna «, - zajaviŭ kandydat u prezidenty Ukrainy, narodny deputat Piotr Parašenka ŭ efiry hramadskaha radyjo ŭ niadzielu.
Pa słovach Parašenki, adzinaja meta, jakuju staviać «zamiežnyja zakazčyki « akcyj u Łuhansku, Daniecku, Charkavie - sarvać vybary prezidenta.
Pry hetym Parašenka adznačyŭ, što situacyja na ŭschodzie Ukrainy kardynalna adroźnivajecca ad situacyi, jakaja była ŭ Krymie, tak jak tam niama hałoŭnaha faktaru - uzbrojenych sił zamiežnaj dziaržavy, jakija b akazvali pastajanny cisk na nasielnictva.
Na dumku kandydata ŭ prezidenty, siońniašnija padziei ŭ abłasnych haradach uschodu Ukrainy taksama śviedčyć pra peŭnyja niedachopy ŭ pracy pravaachoŭnych orhanaŭ. Piotr Parašenka ličyć, što kiraŭnictvu pravaachoŭnych orhanaŭ nieabchodna nieadkładna vyjechać va ŭschodnija rehijony. «Ja ŭpeŭnieny, što tam pavinny być ministr unutranych spraŭ, kiraŭnik słužby biaśpieki «, - ličyć Parašenka.
Pa padazreńni ŭ zabojstvie ciažarnaj minčanki zatrymali chakiejnaha sudździu Alaksieja Haŭrylonka6
Kamientary