Dla niezaležnaj Šatłandyi budzie «ciažka, a, mabyć, i nie niemahčyma» stać siabram Eŭraźviazu ŭ vypadku adździaleńnia ad Vialikabrytanii. Pra heta papiaredziŭ prezident Jeŭrakamisii Žaze Manueł Barozu, čyje słovy pryvodzić Bi-Bi-Si.
«Ja liču, što heta budzie nadzvyčaj ciažka, a, mabyć, i nie niemahčyma», bo dałučeńnie takoha novaha člena «pavinna być uchvalena ŭsimi inšymi dziaržavami — členami Jeŭrapiejskaha sajuza», — pastłumačyŭ Barozu ŭ adkaz na pytańnie ab majučym adbycca 18 vieraśnia ŭ Šatłandyi refierendumie ab niezaležnaści.
18 vieraśnia ŭ Šatłandyi projdzie hałasavańnie, na jakim budzie pastaŭlena pytańnie: «Ci ličycie vy, što Šatłandyja pavinna być niezaležnaj krainaj?» Kali bolšaść šatłandcaŭ adkažuć stanoŭča, to Šatłandyja vyjdzie sa składu Vialikabrytanii 24 sakavika 2016. Šatłandski ŭrad zajaviŭ, što budzie vieści pieramovy ab členstvie ŭ ES u vypadku stanoŭčaha zychodu hałasavańnia.
Kamientary