Jak rasijanin raźvioŭ svaich biełaruskich kredytoraŭ
Dyrektar pradpryjemstva ŭ Navahrudku prakruciŭ kadravyja afiory bolš čym na 4 miljardy rubloŭ.
Ab hetym paviedamili va ŭpraŭleńni departamienta finansavych rasśledavańniaŭ Kamiteta dziaržaŭnaha kantrolu pa Hrodzienskaj vobłaści. Afiory vyjavili ŭ vyniku pravierki dziejnaści sumiesnaha tavarystva z abmiežavanaj adkaznaściu, jakoje śpiecyjalizujecca na narychtoŭcy i prodažy miasa bydła. Pravierka pakazała, što dyrektar tavarystva, hramadzianin Rasii, prykryvajučy finansavy stan pradpryjemstva i najaŭnuju kredytorskuju zapazyčanaść, śviadoma pavialičyŭ niepłaciežazdolnaść pradpryjemstva.
Jon nieabhruntavana ŭvioŭ u štat dadatkovyja pasady (pieršaha namieśnika dyrektara i namieśnika dyrektara pa kamiercyjnych pytańniach), pryčym ustanaviŭ im zavyšanyja zarabotnyja płaty i bonusy (stymulujučyja vypłaty). Na pasady dyrektar pryniaŭ patrebnych jamu ludziej, ale ŭžo praz čatyry miesiacy zvolniŭ ich z naličeńniem vypłat, suma jakich skłała amal Br470 młn. Hetaja suma była paśla spahnanaja z tavarystva ŭ poŭnym abjomie ŭ paradku vykanaŭčaj vytvorčaści.
Plon kadravaj afiory dyrektaru spadabaŭsia.
Praz hod jon iznoŭ skarystaŭsia znajomaj schiemaj.
Tolki na hety raz jašče bolš razdźmuŭ biurakratyčny aparat na pradpryjemstvie.
Jon uvioŭ u štat pasady namieśnika dyrektara pa inviestycyjach i raźvićci, pieršaha namieśnika dyrektara, namieśnika dyrektara pa kamiercyjnych pytańniach, namieśnika dyrektara pa pravavych pytańniach, namieśnika dyrektara pa finansavych pytańniach i hałoŭnaha inžyniera. Iznoŭ pryniaŭ na pasady patrebnych ludziej, vyznačyŭ im nieabhruntavana vysokija zarpłaty i kampiensacyjnyja vypłaty i znoŭ praz try miesiacy pravioŭ skaračeńnie štataŭ. Ahulnaja suma kampiensacyjnych vypłat skłała zvyš Br3,8 młrd.
U vyniku rasśledavańnia ŭstanoŭlena, što svaimi dziejańniami dyrektar navahrudskaha tavarystva pryčyniŭ škodu kredytoram ŭ abjomie bolš jak Br4,2 młrd. U suviazi z hetym u dačynieńni da jaho raspačatyja kryminalnyja spravy pa prykmietach składu złačynstva, praduhledžanaha art.240 č.2 KK RB (naŭmysnaja ekanamičnaja niazdatnaść (bankructva).
Ciapier čytajuć
U Čechii małady biełarus trapiŭ u komu — nahłytaŭsia tabletak praz prablemy ź lehalizacyjaj i razryŭ ź dziaŭčynaj11
Kamientary