Minski haradski sud pakinuŭ prysud žurnalistam Barbaryču i Jaraševiču ŭ sile
Sudździa Minskaha haradskoha suda Valer Kamisaraŭ pakinuŭ abvinavaŭčy prysud žurnalistam, nie zaŭvažyŭšy istotnych parušeńniaŭ u spravach, paviedamlaje
U svaich skarhach na raniejšy prysud zatrymanyja 26 krasavika paśla dazvolenaj uładami akcyi «Čarnobylski šlach» žurnalisty rabili akcent na vialikaj kolkaści niedakładnaściaŭ i parušeńniaŭ, jakija mieli miesca.
Aproč hetaha Hienadź Barbaryč i Alaksandr Jaraševič padkreślili, što śviedki z boku milicyi byli zacikaŭlenyja ŭ pryznańni žurnalistaŭ vinavatymi, bo paniasuć administratyŭnuju adkaznaść u vypadku apraŭdańnia siabraŭ HA «BAŽ». Aproč hetaha žurnalisty padrabiazna raspaviali pra akaličnaści zatrymańnia i dziejańni supracoŭnikaŭ milicyi.
U pryvatnaści, pra toje, što milicyjanty nie pradstaŭlalisia zatrymanym, nie tłumačyli pryčyny zatrymańnia, nie dali mahčymaści aznajomicca z pratakołam administratyŭnaha parušeńnia i navat nie zmahli ŭ sudzie dakładna paviedamić miesca zatrymańnia.
Taksama žurnalisty nahadali sudździ pra chutki vizit u Biełaruś Pradstaŭnicy ABSIE pa spravach ŚMI Duńji Mijatavič i vykazali spadzieŭ, što siońniašniaje rašeńnie budzie pakazalnym napiaredadni vizitu.
Niahledziačy na heta sudździa Valer Kamisaraŭ «nie znajšoŭ padstavaŭ» admianić administratyŭnaje pakarańnie. Žurnalisty Hienadź Barbaryč i Alaksandr Jaraševič z takim rašeńniem nie zhodnyja i majuć namier abskardzić jaho ŭ Viarchoŭnym sudzie.
Ciapier čytajuć
Čaćviortuju liniju minskaha mietro paviaduć u Dražniu. A «Ślapianka» i «Daŭhabrodskaja» źmianili svajo miesca5
Kamientary