У верасні 2025 года ў гарадку Пфафенгофен-на-Ільме пакупнік набыў у пякарні палову буханкі хлеба за 2,40 еўра — гэта значыць роўна за палову кошту цэлай буханкі.
Вярнуўшыся дадому, ён паклаў набыты хлеб на вагі і выявіў недахоп у 10 грамаў у параўнанні з дакладнай вагой паловы буханкі. Кліент вярнуўся ў краму і запатрабаваў кампенсацыю, піша DW.
Кіраўнік пякарні Марцін Брэйтнер не ўспрыняў гэта ўсур’ёз. Ён спаслаўся на тое, што ў яго сямейным прадпрыемстве буханкі хлеба ўжо 60 гадоў рэжуць такім чынам, і жартам сказаў: «Што-небудзь губляеш, што-небудзь знаходзіш». Але пакупнік гумару не ацаніў і пакінуў краму раззлаваным, прыгразіўшы «наступствамі».
Раззлаваны кліент падаў скаргу, і праз некалькі тыдняў на прадпрыемства Брэйтнера прыйшлі з праверкай дзяржаўныя інспектары.
Па выніках праверкі пекару забаранілі прадаваць ва ўсіх яго крамах палавінкі буханак, калі іх не будуць дакладна ўзважваць на адкалібраваных прэцызійных вагах, а кошт не будзе разлічвацца зыходзячы з вагі з дакладнасцю да цэнта.
Брэйтнеру давялося абсталяваць такімі вагамі ўсе касы шасці яго крамаў у Пфафенгофене і ваколіцах. Персанал гандлёвых кропак таксама давялося спецыяльна навучыць працаваць з новым абсталяваннем. Усё гэта абышлося фірме прыкладна ў 15 000 еўра.
Пры гэтым пакупнікі зноў засталіся незадаволеныя: цяпер ім даводзіцца плаціць за палавінкі з дакладнасцю да цэнта, а касы перапоўненыя дробнымі манетамі.
Некаторыя пытаюцца, ці нельга акругляць кошт, як раней, — але Брэйтнер, навучаны горкім вопытам, вымушаны ім адмаўляць.
Іншыя пякарні ў горадзе зрабілі высновы з яго гісторыі. Спачатку яны перасталі прадаваць буханкі палавінкамі, а затым таксама ўсталявалі ў сябе дакладныя вагі.
Наталля Калегава расказала пра дапамогу беларускім уцекачам, сваю сям’ю, стаўленне да Ціханоўскай. І патлумачыла, хто такія «бабры» і «зайцы»34
Каментары