Новы мастацкі кіраўнік Купалаўскага тэатра працуе таксама ў Абхазіі
Дзмітрый Акімаў у мясцовым тэатры ставіць спектакль.
Расійскі рэжысёр Дзмітрый Акімаў, які стаў мастацкім кіраўніком беларускага Нацыянальнага акадэмічнага тэатра імя Янкі Купалы, адначасова працуе і ў непрызнанай Рэспубліцы Абхазія, піша «Люстэрка».
Абхазскі Дзяржаўны рускі драматычны тэатр імя Фазіля Іскандэра паведаміў, што там ідуць рэпетыцыі спектакля «Партрэт Дарыяна Грэя» паводле вядомага рамана Оскара Уайльда. Рэжысёрам-пастаноўшчыкам новай пастаноўкі выступае менавіта Дзмітрый Акімаў, а прэм'ера запланавана на 18 снежня.
Летась Акімава павіншаваў з 40‑годдзем Абхазскі дзяржаўны маладзёжны тэатр.
Дзмітрый Акімаў стаў новым мастацкім кіраўніком Нацыянальнага акадэмічнага тэатра імя Янкі Купалы, дзе спектаклі ідуць на беларускай мове, у сакавіку. На гэтай пасадзе ён змяніў Вольгу Няфёдаву, якая ўзначальвала мастацкую частку тэатра з 2020 года.
«З расіян-наведнікаў працэнтаў 70 аказваліся ватнікамі». Экс-гід з музея ВАВ, якога затрымлівалі яго ж экскурсанты, цяпер папулярны ў Варшаве — пагутарылі з ім1414
Каментары