Зяленскі: Украіна будзе старацца прымусіць РФ скончыць вайну да зімы
Украіна будзе рабіць усё магчымае, каб расійская вайна завяршылася яшчэ да пачатку зімы 2026 года. Пра гэта ўкраінскі прэзідэнт Уладзімір Зяленскі заявіў падчас нарады паслоў Украіны ў Кіеве, піша РБК-Украіна.
Кіраўнік украінскай дзяржавы нацэліў дыпламатаў на дзеянні, каб схіліць Расію да міру як мага хутчэй.
«У гэтым годзе ваша [паслоў] задача — даць максімальную падтрымку знешняму трэку ва ўзаемаадносінах з партнёрамі для ўрада Украіны», — сказаў Зяленскі.
Паводле яго слоў, цяпер немагчыма на 100% прагназаваць, калі спрацуюць усе дыпламатычныя намаганні, атакі Украіны супраць Расіі і ўсе санкцыі партнёраў.
Аднак яны павінны дасягнуць менавіта такога ўзроўню ціску, каб у Расіі не засталося іншай альтэрнатывы, акрамя міру.
«Мы будзем вельмі старацца, каб гэта адбылося да зімы, восенню, але мы выразна разумеем, з кім мы маем справу, і што Пуцін спадзяецца зацягваць гэтую вайну і надалей. Ён рыхтуе ў сябе мабілізацыю і новыя ўдары. Мы бачым сапраўдныя намеры Расіі, аб'ядноўваем партнёраў і ціснем на агрэсара», — падкрэсліў Зяленскі.
Цяпер чытаюць
Замест парэшткаў Вітаўта за сцяной Віленскай катэдры знайшлі толькі кучу камянёў. Але ўлады Літвы гатовыя выдаткаваць на працяг пошукаў яшчэ 1,5 мільёна еўра2828
Каментары