Акрэслілася кола магчымых супернікаў, якія могуць трапіцца беларускім клубам у плэй-оф Лігі канферэнцый
Матчы трэцяга раўнду стартуюць толькі ў чацвер, але сёння пройдзе лёсаванне апошняга раўнду кваліфікацыі — плэй-оф.
Чэмпіён Беларусі «МЛ Віцебск» выбыў з кваліфікацыі Лігі чэмпіёнаў, але працягвае барацьбу ў Лізе канферэнцый, яго супернік у трэцім раўндзе — баснійскі «Борац». Мінскае «Дынама» згуляе ў трэцім раўндзе з партугальскай «Брагай».
УЕФА разбіла клубы на міні-групы, і супернікі могуць трапіцца з гэтага ўсечанага кола.
Так пераможца двубою «МЛ Віцебск» — «Борац» згуляе з адным з прайгралых у парах: «Тун» (Швейцарыя) — «Вікінгур» (Ісландыя), або «Шэмрак Роверс» (Ірландыя) — «Эгнація» (Албанія)
Мінскае «Дынама», калі пройдзе «Брагу», згуляе з адным з пераможцаў параў: «Твэнтэ» (Нідэрланды) — «ДАК 1904» (Славакія), «Бейтар» (Іерусалім, Ізраіль) — «Аўстрыя» (Вена) «Макабі» (Тэль-Авіў, Ізраіль) — ЦСКА (Сафія, Балгарыя), або іспанскім «Хетафэ».
Лёсаванне сёння пройдзе а 16-й.
Матчы 3‑га раўнду пройдуць 6 і 13 жніўня, плэй-оф кваліфікацыі —20 і 27 жніўня.
Каб трапіць у асноўны раўнд Лігі канферэнцыі, трэба прайсці і плэй-оф кваліфікацыі.
У 2008‑2019 гадах барысаўскі БАТЭ рэгулярна ў асноўным раўндзе, тады гэта называўся групавы этап Лігі чэмпіёнаў і Лігі Еўропы. Потым быў доўгі перапынак, і толькі ў сезоне 2024‑2025 мінскае «Дынама» дабралася да асноўнага раўнду Лігі канферэнцый — трэцяга па моцы еўракубка.
«Дынама» тады фінішавала 33‑м з 36 клубаў на асноўным этапе, здабыўшы адну перамогу і пяць разоў прайграўшы.
Вінакурню Любанскага ў Мінску закрыў сакрэтны гмах, дзе запраектаваныя кабінеты для допытаў і памяшканне для спальвання дакументаў9
Вінакурню Любанскага ў Мінску закрыў сакрэтны гмах, дзе запраектаваныя кабінеты для допытаў і памяшканне для спальвання дакументаў
Беларус-вахтавік на Ямале стварае песні на беларускай мове з дапамогай ШІ. «Раней музыка была закрытым клубам. Нейрасеткі адчынілі гэтыя дзверы з нагі»1919
Каментары