Ліхтэнштэйн стаў ахвярай буйной кібератакі, у выніку якой былі выкрадзены даныя 31 тысячы чалавек. Усяго ў княстве жыве 41 тысяча чалавек.
Ліхтэнштэйн стаў ахвярай буйной кібератакі, у выніку якой былі выкрадзены даныя 31 тысячы чалавек. Пра гэта ў нядзелю, 2 жніўня, паведаміў урад краіны на прэс-канферэнцыі, піша DW.
Невядомыя ўзламалі «Рэестр эканамічна правамоцных асоб» (VwbP), у якім захоўваліся копіі даных асоб, звязаных з кампаніямі, фондамі і трастамі, паведаміла аўстрыйская вяшчальная карпарацыя ORF.
Рэестр на сайце LLV.li пакуль недаступны для карыстальнікаў. На старонцы пазначана, што праводзяцца «тэхнічныя работы».
30 ліпеня зламыснікі незаконна атрымалі доступ да VwbP. Пасля гэтага быў распачаты ўсебаковы аналіз інцыдэнту.
У пятніцу, 31 ліпеня, урад быў праінфармаваны пра тое, што, магчыма, адбылася паспяховая кібератака. У суботу, 1 жніўня, уладам былі перададзены першыя пацверджаныя вынікі папярэдняга расследавання.
Улады абвясцілі аб стварэнні антыкрызіснага штаба. Яго ўзначалілі прэм'ер-міністр Брыгітэ Хаас і міністр юстыцыі Эмануэль Шэдлер.
Урад паведаміў, што рэестр вёўся ў мэтах прадухілення адмывання грошай і фінансавання тэрарызму. Матывы кіберзлачынцаў пакуль высвятляюцца.
Ліхтэнштэйн — краіна з насельніцтвам каля 41 тысячы чалавек — з'яўляецца адной з самых багатых дзяржаў свету паводле паказчыка валавога ўнутранага прадукту на душу насельніцтва. Фінансавыя і банкаўскія паслугі лічацца адной з найбольш прыбытковых галін эканомікі краіны.
Цяпер чытаюць
26‑гадовага супрацоўніка элітнага падраздзялення мытні асудзілі на 16 гадоў па наборы палітартыкулаў. Сярод іх і «здрада дзяржаве»4
Каментары