Заснавальніка Telegram Паўла Дурава ў Расіі ўнеслі ў спіс экстрэмістаў і тэрарыстаў
Учора ФСБ абвінаваціла Дурава ў садзейнічанні тэрарыстычнай дзейнасці.
Расійскае ведамства Росфінманіторынг уключыла заснавальніка і кіраўніка месенджара Telegram Паўла Дурава ў афіцыйны рэестр асоб, датычных да экстрэмісцкай дзейнасці або тэрарызму.
Гэты крок цягне за сабой блакаванне яго банкаўскіх рахункаў і фінансавых актываў на тэрыторыі Расійскай Федэрацыі.
Унясенне Дурава ў пералік тэрарыстаў адбылося адразу пасля таго, як ФСБ Расіі абвясціла пра выстаўленне яму завочнага абвінавачання паводле ч. 1.1 арт. 205.1 Крымінальнага кодэкса РФ («Спрыянне тэрарыстычнай дзейнасці»).
Расійскія спецслужбы сцвярджаюць, што адміністрацыя Telegram адмаўляецца выдаляць каналы і боты, якія выкарыстоўваюцца для каардынацыі дыверсій і тэрарыстычных актаў.
У сувязі з гэтым расійскія ўлады абвясцілі бізнэсоўца ў міжнародны вышук.
Яшчэ ў лютым супраць Паўла Дурава ў Расіі была распачата крымінальная справа па артыкуле «Садзейнічанне тэрарыстычнай дзейнасці» (ч. 1.1 арт. 205.1 КК РФ).
ФСБ даводзіла, што Telegram у Расіі атрымаў статус не сродку сувязі, а стратэгічнай зброі праціўніка.
10 лютага 2026 года Раскамнагляд пачаў маштабную блакіроўку, якую называюць «дэградацыяй трафіку».
Латвія «па тэхнічных прычынах» закрыла мяжу з Беларуссю12
Каментары