Каля 50% людзей, якія захварэлі на адзёр у 2025 годзе ў Беларусі, не мелі прышчэпкі супраць гэтай інфекцыі або пацвярджэння наяўнасці ахоўных антыцелаў. Пра гэта паведаміў загадчык аддзялення імунапрафілактыкі Рэспубліканскага цэнтра гігіены, эпідэміялогіі і грамадскага здароўя Кірыл Ігнатаў.
Паводле слоў Кірыла Ігнатава, сітуацыя з інфекцыйнымі захворваннямі ў краіне застаецца кантраляванай дзякуючы вакцынацыі. У 2025 годзе ў Беларусі не рэгістраваліся выпадкі дыфтэрыі, краснухі і слупняку. Выпадкі адзёру фіксаваліся, але іх колькасць была ў 12 разоў меншай, чым у 2024 годзе.
Прыкладна палова выпадкаў адзёру ў 2025 годзе была звязана з завозам інфекцыі з-за мяжы. Найчасцей хварэлі дарослыя ва ўзросце ад 30 да 49 гадоў — на іх прыпадала каля паловы ўсіх захварэлых.
За першыя пяць месяцаў 2026 года выпадкі адзёру былі зарэгістраваныя ў Віцебскай, Гомельскай, Гродзенскай і Магілёўскай абласцях. Як і летась, каля паловы захварэлых не мелі пацвярджэння аб праведзенай вакцынацыі.
Спецыялісты падкрэсліваюць, што вакцынацыя застаецца адным з найбольш эфектыўных спосабаў прафілактыкі інфекцыйных захворванняў. Усе прышчэпкі, уключаныя ў нацыянальны каляндар вакцынацыі, прызначаныя для абароны насельніцтва як унутры краіны, так і падчас паездак за мяжу.
Штучны інтэлект стварыў універсальную вакцыну ад усіх каранавірусаў
«Уцякалі ад мігрантаў і гендарнай ідэалогіі». Прапаганда паказала яшчэ адну сям'ю ковід-дысідэнтаў, якая перабралася з Германіі ў Беларусь
Ці можна рабіць прышчэпку ад клешчавога энцэфаліту летам?
Мінздароўя дало рэкамендацыі наконт ліхаманкі Эболы для тых, хто выязджае за мяжу
Ці можна заразіцца шаленствам проста ад драпіны ката?
Каментары