На памежным пераходзе ў Тэрэспалі польскія памежнікі затрымалі аўтамабіль Mercedes 2024 года выпуску, які знаходзіўся ў вышуку ў Польшчы, паведаміла польская Памежная служба.
53‑гадовы грамадзянін Польшчы спрабаваў выехаць на гэтым аўтамабілі з Польшчы ў Беларусь. Падчас праверкі супрацоўнікі Надбужанскага аддзела Памежнай службы ўстанавілі, што машына лічыцца скрадзенай і знаходзіцца ў базе вышуку.
Кошт аўтамабіля ацэньваецца прыкладна ў 300 тысяч злотых (каля 81,8 тысячы даляраў).
Па факце здарэння распачалі праверку. Кіроўцу разам з аўтамабілем перадалі супрацоўнікам паліцыі ў Тэрэспалі для далейшага расследавання.
Паводле даных польскай Памежнай службы, з пачатку 2026 года на польскай мяжы ўжо было выяўлена і вернута 66 транспартных сродкаў, якія знаходзіліся ў вышуку. Іх агульны кошт перавышае 7 мільёнаў злотых (каля 1,91 мільёна даляраў).
Жыхар Рэчыцы 10 гадоў ездзіў на скрадзеным аўто і не падазраваў пра гэта
Беларуска прадала расіяніну BMW, скрадзены ў Швецыі. Расійскі суд пакінуў машыну пакупніку — бо Швецыя варожая краіна
«Накіраваў аўтамабіль у бок паліцыянтаў». У польскай пракуратуры пракаментавалі справу са стральбой па беларусе ў Польшчы
Беларускі фатограф у Польшчы шукае скрадзены Lexus
Каментары