Жыхар Рэчыцы 10 гадоў ездзіў на скрадзеным аўто і не падазраваў пра гэта
У 2016 годзе мужчына праз знаёмага набыў аўтамабіль Ford Focus.
Да замежнага аўто прыкладаўся поўны камплект дакументаў, у тым ліку пасведчанне аб рэгістрацыі транспартнага сродку ў Расіі і генеральная даверанасць ад былога ўласніка
Беларусу такая сітуацыя спадабалася, і аўто з расійскага ўліку ён здымаць не стаў.
У сакавіку гэтага года мужчыну спынілі супрацоўнік ДПС «Страла». Пры праверцы дакументаў у дзяржаўных аўтаінспектараў узніклі сумневы ў сапраўднасці пасведчання аб рэгістрацыі транспартнага сродку. Яшчэ больш пытанняў узнікла, калі яны праверылі VIN-нумар.
Ідэнтыфікацыйная маркіровачная пазнака на кузаве аўто была значна каразіраваная, пры гэтым вакол месца нанясення маркіроўкі карозіі не назіралася.
Эксперты Рэчыцкага Дзяржаўнага камітэта судовых экспертыз устанавілі, што бланк пасведчання аб рэгістрацыі транспартнага сродку Расійскай Федэрацыі выраблены не прадпрыемствам, якое займаецца вытворчасцю прадукцыі дадзенага віду. VIN-номер аўтамабіля таксама быў падвергнуты зменам. Эксперты яго аднавілі.
Заведзена крымінальная справа.
Хто забараняе ў Беларусі кнігі — вось гэтыя 22 чалавекі33
Каментары