Зяленскі сустракаўся з расійскім мільярдэрам Абрамовічам, каб перадаць Пуціну пасланне
Сустрэча была ў Кіеве ў маі.
Прэзідэнт Украіны Уладзімір Зяленскі ў маі сустракаўся ў Кіеве з расійскім мільярдэрам, былым уладальнікам футбольнага клуба «Чэлсі» Раманам Абрамовічам, каб перадаць Уладзіміру Пуціну паведамленне пра мірныя перамовы, паведамляе Financial Times са спасылкай на чатырох чалавек, знаёмых з сітуацыяй.
Зяленскі папрасіў Абрамовіча перадаць Пуціну, што ён гатовы сустрэцца для правядзення першага двухбаковага саміту з 2022 года.
Паведамленне, якое Зяленскі перадаў праз Абрамовіча, было падобнае да адкрытага ліста Пуціну, які Зяленскі апублікаваў раней. Але тон быў менш антаганістычным.
Кіеў спадзяецца, што тут сыграюць на руку яго поспех у прыпыненні расійскага наступу (які запаволіўся да мінімуму ў апошнія месяцы) і нанясенне шкоды з дапамогай дальнабойных паветраных удараў углыб Расіі.
Аднак Пуцін па-ранейшаму ўпэўнены, што перавага Расіі ў рэсурсах у рэшце рэшт знясіліць Украіну, і не выявіў ніякай цікавасці да сустрэчы з Зяленскім.
Пуцін заявіў у пятніцу, што 21 мая, пасля паездкі бізнэсмена ў Кіеў, сустрэўся з адным з прадстаўнікоў бізнэс-колаў і сказаў яму, што не бачыць сэнсу ў сустрэчы з Зяленскім.
Расійскі прэзідэнт дадаў, што бізнэсмен не дзейнічаў у афіцыйнай якасці.
Абрамовіч дапамагае выступаць пасярэднікам у перамовах паміж Расіяй і Украінай з першых тыдняў вайны ў 2022 годзе.
Алігарх удзельнічаў у арганізацыі раўнда перамоў у Стамбуле ў сакавіку 2022 года. Пазней у тым жа годзе Абрамовіч таксама дапамог заключыць пагадненне аб забеспячэнні экспарту ўкраінскага збожжа праз Чорнае мора.
Хаця роля Абрамовіча стала менш прыкметнай з таго часу, як у мінулым годзе Расія пачала весці перамовы непасрэдна з ЗША, ён застаецца ўцягнутым у абмен палоннымі і іншыя двухбаковыя перамовы з Украінай, у тым ліку па аспектах заблакаванага мірнага плана, які прасоўвалі ЗША, паведамляюць блізкія да яго людзі.
Стаўка большая, чым жыццё: што азначае ліст Зяленскага Пуціну
Зяленскі назваў масіраваную атаку на Пецярбург адказам на адмову завяршыць канфлікт паміж Расіяй і Украінай
Трамп пра Зяленскага і Пуціна: Хай самі разбіраюцца
Пуцін назваў «хамствам» адкрыты ліст Зяленскага. І адмовіўся ад сустрэчы з ім
Навошта Зяленскі напісаў ліст Пуціну?
Цяпер чытаюць
Замест парэшткаў Вітаўта за сцяной Віленскай катэдры знайшлі толькі кучу камянёў. Але ўлады Літвы гатовыя выдаткаваць на працяг пошукаў яшчэ 1,5 мільёна еўра2828
Каментары