Інакш ён значна павысіць пошліны.
Прэзідэнт ЗША Дональд Трамп даў Еўрапейскаму саюзу двухмесячны тэрмін на завяршэнне гандлёвай здзелкі са ЗША, пасля чаго ён павысіць мыты да «значна вышэйшага ўзроўню». Пра гэта ён напісаў у сацсетцы Truth Social.
Трамп паўтарыў сваю пагрозу ўвесці больш высокія мыты на тавары з ЕС, працягваючы ціснуць на еўрапейскіх лідараў з мэтай выканання ўмоў гандлёвага пагаднення, дасягнутага летась у Шатландыі.
Прэзідэнт заявіў, што падчас тэлефоннай размовы са старшынёй Еўрапейскай камісіі Урсулай фон дэр Ляен ён паведаміў пра тэрмін заключэння пагаднення да 4 ліпеня.
«Я пагадзіўся даць ёй час да 250‑годдзя нашай краіны, інакш, на жаль, іхнія мыты неадкладна ўзляцяць да значна больш высокіх узроўняў», — сказаў Трамп.
Фон дэр Ляен у чацвер заявіла ў сацсетках, што размова з Трампам была прысвечана вайне на Блізкім Усходзе, але таксама закранала пытанні гандлю.
Замест парэшткаў Вітаўта за сцяной Віленскай катэдры знайшлі толькі кучу камянёў. Але ўлады Літвы гатовыя выдаткаваць на працяг пошукаў яшчэ 1,5 мільёна еўра3232
Каментары
- Спадар, гэта інфалінія класічнай рэальнасці.
- Я ўсё сказаў!