Мінчанка адпрасілася з працы, каб узяць два крэдыты і перадаць махлярам 50 тысяч даляраў
Частку грошай яна ў сваёй машыне перадала незнаёмай дзяўчыне, а астатняе — іншаму мужчыну.
48‑гадовая жанчына звярнулася ў міліцыю. Яна патлумачыла, што зламыснікі патэлефанавалі ёй з замежнага нумара і папрасілі назваць код з SMS-паведамлення. Пасля гэтага яны паведамілі, што ад яе імя праводзяцца незаконныя фінансавыя аперацыі, паведамляе «Міліцыя Мінска».
Каб захаваць асабістыя зберажэнні, жанчыне параілі іх «задэклараваць» праз пазаштатнага супрацоўніка Нацыянальнага банка. Для пераканаўчасці мінчанцы даслалі падробленыя дакументы з неіснуючымі адрасамі і рэквізітамі. Яна паверыла і перадала кур’еру 20 тысяч даляраў.
На наступны дзень ёй параілі адпрасіцца з працы і аформіць на сябе два крэдыты, каб махляры не змаглі зрабіць гэта ад яе імя. Жанчына зноў выканала ўказанні і атрымала ў банку каля 60 тысяч рублёў. Частку грошай яна ў сваёй машыне перадала незнаёмай дзяўчыне, а астатняе — мужчыну.
Праз нейкі час зламыснікі зноў звязаліся з мінчанкай і параілі прадаць аўтамабіль, каб «выратаваць яго ад продажу на чорным рынку». Жанчына атрымала за машыну каля 7 тысяч даляраў і таксама перадала іх кур’еру нібыта для праверкі. Да апошняга яна нікому не расказвала пра сітуацыю і сыну сказала, што аўтамабіль на сэрвісным абслугоўванні.
Пра тое, што яна стала ахвярай махляроў, жанчына зразумела толькі тады, калі яны перасталі выходзіць з ёй на сувязь.
«Ты ў нас у Беларусі!» — «Я маму тваю я*аў». Госцю з Алтая не спадабалася заўвага за кінуты ў цэнтры Мінска недакурак6
Каментары