У Чарнаўцах падчас ускрыцця цела вайскоўца, перададзенага ў рамках абмену з РФ, выявілі гранату
У Чарнаўцах падчас анатаміравання цела загінулага ўкраінскага вайскоўца, якое перадалі з Расіі ў рамках абмену, судмедэксперты выявілі гранату, якая не разарвалася. Работнікаў морга эвакуіравалі, а выбухоўку абясшкодзілі піратэхнікі.
Раней ужо былі выпадкі, калі знаходзілі выбухоўку, але гэта першы выпадак, калі яе знайшлі ў самім целе. Пра гэта «Суспільнаму» распавёў начальнік абласнога бюро судова-медыцынскай экспертызы Віктар Бачынскі.
Паводле яго слоў, раней пры аглядзе цел, перададзеных у рамках абмену, выбуховыя прадметы часам знаходзілі ў кішэнях. Аднак гэтым разам гранату знайшлі непасрэдна ў целе.
Яна прайшла праз брушную поласць, прайшла праз цела, але не выбухнула — засталася пад правым сцягном, распавёў эксперт
«Калі эксперт пачаў аўтапсію цела загінулага, правёў аўтапсію чарапной поласці, грудной поласці, дайшоў да канечнасці і пачаў яе разразаць, ён знайшоў пад скурай неразарваную гранату», — кажа Бачынскі.
Пасля гэтага ўсіх супрацоўнікаў эвакуявалі з морга, а для вымання гранаты выклікалі піратэхнікаў.
«Яе вывезлі на сметнік, там падарвалі, бо яна магла выбухнуць у моргу. Таму праз такія выпадкі ў нас спачатку працуюць піратэхнікі Дзяржаўнай службы па надзвычайных сітуацыях, а толькі потым мы. Гэта вельмі сур'ёзны падыход, але так атрымалася, што яны не адразу вызначылі, што ў целе памерлага знаходзіцца такая выбуховая прылада», — кажа Бачынскі.
Ва Украіну 26 лютага вярнулі 1000 цел загінулых, якія, паводле расійскага боку, належаць украінскім вайскоўцам.
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу7
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх1919
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх19
«Да лейтэнанта прыехала маладая жонка, пабачыла, што адбываецца ў зоне, і застрэлілася». Выйшла заключная частка ўспамінаў Рыгора Бярозкіна пра ГУЛАГ і савецкі Мінск1818
Каментары