Швецыя затрымала ў Балтыйскім моры грузавое судна, якое ішло ў Пецярбург пад сцягам Гвінеі
З 11 членаў экіпажа судна 10 маюць расійскае грамадзянства.
Швецыя затрымала грузавое судна ў Балтыйскім моры, якое пад сцягам Гвінеі ішло ў Санкт-Пецярбург, паведамляе выданне SVT.
Берагавая ахова паведамляе, што яна ўзяла пад кантроль судна Caffa ў пятніцу а 15:50 каля горада Трэлеборг. Гаворка ідзе пра спланаваную аперацыю сумесна з паліцэйскай авіяцыяй і нацыянальным атрадам спецыяльнага прызначэння.
Судна знаходзіцца ў санкцыйным спісе Украіны. Паводле звестак украінскіх уладаў, яно было датычнае да крадзяжу збожжа з Крыма.
Судна ходзіць пад сцягам Гвінеі, аднак статус сцяга, паводле звестак берагавой аховы, застаецца няясным.
«Швецыя як дзяржава мае паўнамоцтвы ўмяшацца ў гэтым выпадку супраць судна, чый статус сцяга ў вышэйшай ступені незразумелы; мы разглядаем яго як судна пад ілжывым сцягам», — кажа Маціяс Ліндхольм, кіраўнік прэс-службы берагавой аховы.
Судна было загружана збожжам, і, паводле звестак з самога карабля, накіроўвалася ў Санкт-Пецярбург.
Берагавая ахова пачала папярэдняе расследаванне па падазрэнні ў парушэнні марскога права ў сувязі з неадпаведнасцю патрабаванням мараходнасці. Аперацыя працягваецца ў моры.
Затрыманне судна пракаментавалі ў пасольстве Расіі ў Швецыі:
«Паводле паведамлення берагавой аховы Швецыі, атрыманага 7 сакавіка, з 11 членаў экіпажа судна 10 маюць расійскае грамадзянства. Шведскі бок запэўнівае, што абстаноўка на судне спакойная».
Цяпер чытаюць
А што будзе, калі вярнуцца ў Беларусь? Кажуць жа, што рэпрэсіі заканчваюцца4
А што будзе, калі вярнуцца ў Беларусь? Кажуць жа, што рэпрэсіі заканчваюцца
Замест парэшткаў Вітаўта за сцяной Віленскай катэдры знайшлі толькі кучу камянёў. Але ўлады Літвы гатовыя выдаткаваць на працяг пошукаў яшчэ 1,5 мільёна еўра1616
Каментары