39‑гадовы мінчук вырасціў дома сем кустоў канопляў і захоўваў марыхуану.
Яго затрымалі ў снежні 2025 года, калі мужчына выйшаў з дому вынесці смецце. У яго кватэры на вуліцы Адзінцова знайшлі і канфіскавалі больш за 1 г марыхуаны і прыстасаванне для курэння. У тумбе на балконе знайшлі сабраны з падручных матэрыялаў гроўбокс з сямю кустамі канопляў, паведамляюць «Мінск-Навіны».
На мінчука завялі крымінальную справу. Ён распавёў, што ўпершыню паспрабаваў марыхуану яшчэ ў маладосці, пасля чаго ўжываў яе перыядычна. У жніўні-верасні 2025 года ён паехаў на дачу ў Мінскую вобласць і знайшоў куст дзікарослых канопляў, з якога сарваў лісце і сабраў насенне. Лісце мужчына высушыў, здрабніў і скурыў, а насенне пасадзіў у грунт. Раней мужчына працаваў доктарам-псіхіятрам-нарколагам, а пасля стаў індывідуальным прадпрымальнікам. Незадоўга да затрымання ён чарговы раз пакурыў марыхуану.
Мужчыну абвінавачваюць па ч. 1 арт. 328 КК («Незаконны абарот наркатычных сродкаў, псіхатропных рэчываў, іх прэкурсораў і аналагаў») і ч. 1 арт. 329 КК («Незаконныя пасеў і (або) вырошчванне раслін альбо грыбоў, якія ўтрымліваюць наркатычныя сродкі або псіхатропныя рэчывы»). Да суда яго выпусцілі пад асабістае паручыцельства.
Цяпер чытаюць
А што будзе, калі вярнуцца ў Беларусь? Кажуць жа, што рэпрэсіі заканчваюцца4
А што будзе, калі вярнуцца ў Беларусь? Кажуць жа, што рэпрэсіі заканчваюцца
Замест парэшткаў Вітаўта за сцяной Віленскай катэдры знайшлі толькі кучу камянёў. Але ўлады Літвы гатовыя выдаткаваць на працяг пошукаў яшчэ 1,5 мільёна еўра1616
Каментары