«Я толькі не разумею, для каго пабудавалі АЭС?» Даўно ніякая тэма не выклікала такіх эмоцый, як адключэнне святла на загад Лукашэнкі
Сабралі самыя залайканыя рэакцыі людзей.
У тыктоку пад ролікам, які расказвае пра тое, што пасля разносу Лукашэнкі Мінск паглынула цемра, гледачы за лічаныя гадзіны пакінулі амаль 1700 каментароў. У інстаграме тая ж навіна сабрала больш за 1200 каментароў.
Найбольшую колькасць лайкаў (звыш 8200) набрала пытанне:
У інстаграме адказваюць:
— Усім ліхтарыкі!
— У наш час і ліхтароў не было, і ішлі дадому з другой змены! Мама каля пад'езда сустрэла, потым — «ай, надакучыла, хадзі дадому сам» — і хадзілі…. Ніводнае дзіця 90‑х не скралі!!!
Але такія рэкамендацыі падабаек не сабралі.
Затое амаль 4500 падабаек сабраў каментар:
«Я толькі не разумею, навошта пабудавалі АЭС. І для каго».
Маладзечна: «У Горадзе Сонца цемра несусветная»
«У Горадзе Сонца Маладзечне сёння а 7‑й вечара была цемра несусветная. Ехаць на машыне было складана, пешаходаў не відаць, ліхтары нідзе не гарэлі, і гэта ў цэнтры горада». 241 лайк.
Нехта пацвярджае яго словы: «Ооо, Маладзечна таксама ў змроку. Трохі страшна хадзіць».
«Кума з Салігорска так апісала сённяшнюю раніцу: з асвятлення ў нас была толькі поўня», — дзеліцца іншы. 221 лайк.
Ацяпленне паменшылі, святло выключылі…. Брава!
«Ацяпленне паменшылі, святло выключылі…. Брава. Гэта яшчэ толькі пачатак, праз паўгода кубаметр паветра палічаць, трэба будзе даплаціць», — іранізуе іншы каментатар.
«Святло выключыць… шуфаль жанчынам для прыгажосці ўзяць, тэмпературу ў батарэі падкруціць паменш… бліскуча… кіраўнічыя рашэнні». 473 падабайкі.
Знак бяды
«Гэта жахліва, нават разметкі не відаць, ехаць страшна, людзей не відаць, чаго чакаюць — бяды (((» 1749 лайкаў.
Дарожкі не чышчаныя, пажылым людзям не прайсці, галалёд, якога цяпер яшчэ і не відаць.
«Жах… колькі, не дай бог, пацярпець людзей можа».
«Траўматолагі! Пазакасвайце рукавы! Работы вам дадасца!!! У такі галалёд без асвятлення людзі будуць падаць!»
Некаторыя нават дазваляюць сабе пытацца
«У Драздах таксама святло не гарыць?»
«Беларусь выбера новага лідара хутка!»
«Можа, хто падкажа чыноўнікам, калі сонца заходзіць і ўзыходзіць?»
«А давайце падаткі плаціць не 13%, а 6%».
«Трэба ўвесці каменданцкую гадзіну — і можна святло наогул не ўключаць на дварэ».
«Вось была ўчора ў Гандлёвым доме на Нямізе. Практычна адна! Такая плошча памяшкання асвятляецца! А людзей няма! Не там эканоміце, сябры!»
«Беларусь бяднее»
«Беларусь бяднее».
«Уключыце нам святло!! Гэта ж небяспечна!! Галоўнае — здароўе і бяспека людзей».
«Вельмі сумна, на дварэ сучаснае грамадства, а такое ўражанне, што сярэднявечча… Паважаныя начальнікі, проста паглядзіце ў акенца і прыміце вернае рашэнне, без крайнасцяў. Люблю свой Мінск і шкада, што ён страціў усю сваю прыгажосць».
«У нас у аграгарадку святла ніколі не ўключалі»
Вёска жыве без святла даўно:
«У нас у аграгарадку (раней вёска) няма святла на вуліцах роўна 45 гадоў, і ходзім пешшу ў школу, і нармальна. Вы проста ў сталіцы расслабіліся».
«У вёсках людзі так заўсёды жывуць, і дзеткі ў школу ў цемры ходзяць, і мядзведзі таксама ходзяць, так што гарадскія — вам яшчэ грэх скардзіцца».
І пры гэтым не страчваюць гумару: «Хутка рана будзе святлець, трымайцеся, хутка лета».
Мінск у сераду вечарам пагрузіўся ў цемру. Пасля загаду Лукашэнкі
«Бацька правільна зрабіў, цяпер больш праведнасці», «Фоты вырваныя з кантэксту». Як прапаганда апраўдвае адключэнне святла на вуліцах
«Усё святло пайшло на падсветку «Мінск-арэны». Што беларусы гавораць пра цемрадзь на гарадскіх вуліцах і дарогах
Цяпер чытаюць
Вялікая гутарка з Лесяй Руднік пра сэксізм, мужа-рэслера, заробак доктаркі навук у Швецыі, апазіцыю і памылку Еўрасаюза13
Вялікая гутарка з Лесяй Руднік пра сэксізм, мужа-рэслера, заробак доктаркі навук у Швецыі, апазіцыю і памылку Еўрасаюза
Галіна Дзербыш казала пракурору: «Як памру, буду да ўсіх вас ноччу прыходзіць». І жыццё ўжо дагнала яе суддзю і сведак. Гісторыя пенсіянеркі, якой далі 20 гадоў калоніі1616
Каментары
Колькі у нас і кулы??
Потеряв свой последний рассудок,
И конечно еще прочитаю
Эту надпись в сиреневой мгле,
Что так любезно была прогрета
На замороженном троллейбусном стекле:
"Крепитесь, люди, скоро лето!"
И мне в который раз покажется теплей.
Митяев .