У Магілёве адбылося шэсце да месца масавых рэпрэсій 1930‑х — з іконай расійскага цара і імперскім трыкалорам
Ва ўчорашняй акцыі ўзялі ўдзел каля 150 чалавек — актывісты прыходу праваслаўнага храма Царскіх мучанікаў, навамучанікаў і вызнаўцаў ХХ стагоддзя РПЦ, якія ўшаноўваюць сям’ю апошняга расійскага імператара Мікалая II.
Міліцыя правядзенню акцыі ў гонар Сабору навамучанікаў царквы рускай не перашкаджала, піша Mayday.team.
Пасля літургіі ў памяць сямейнікаў Мікалая II, расстраляных бальшавікамі пасля адрачэння цара ад трону па дарозе з Магілёва ў Санкт-Пецярбург, калона выйшла з парку Горкага ў цэнтры горада і, нягледзячы на даволі моцны мароз, маршам прайшла праз увесь горад. Падчас шэсця ўдзельнікі спявалі хрысціянскія гімны.
Удзельнікі акцыі неслі некалькі ікон з выявай цара і яго сям’і. Сярод праваслаўнай сімволікі быў заўважаны расійскі імперскі чорна-жоўта-белы сцяг з двухгаловым арлом.
На месцы масавых расстрэлаў каля кар’ера паблізу прыпынку «Мясакамбінат» на праспекце Дзімітрава адбылося яшчэ адно кароткае богаслужэнне за спачын. Першымі палітычнымі ахвярамі на гэтым месцы сталі праваслаўны святар і некалькі каталіцкіх святароў.
Цяпер чытаюць
«Галандскі архітэктар», які адбудаваў Вострую браму і паставіў сабе дом-крэпасць у Гайцюнішках, аказаўся ніякім не галандцам. Але яго спадчына захапляе1010
Каментары