Алімпіяда яшчэ толькі пачалася, а заваяваныя медалі ў некаторых прызёраў ужо паламаліся
Арганізатары Алімпійскіх гульняў у Мілане і Карціна д'Ампеца пачалі праверку пасля таго, як высветлілася, што некаторыя алімпійскія медалі пашкоджваюцца. Пра гэта яны заявілі, падкрэсліўшы, што надаюць сітуацыі «максімальную ўвагу», піша Бі-бі-сі.

Дзве залатыя прызёркі зборнай ЗША — гарналыжніца Брызі Джонсан і фігурыстка Аліса Лю — расказалі, што стужка аддзялілася ад іхніх медалёў амаль адразу пасля ўзнагароджання.
Джонсан прадэманстравала пашкоджаны медаль журналістам, патлумачыўшы, што мацаванне, якое павінна злучаць стужку з медалём, проста развалілася. Лю апублікавала відэа ў сацыяльных сетках, на якім трымае медаль і стужку асобна, пажартаваўшы, што медаль можа абыходзіцца і без стужкі.
Падобная сітуацыя здарылася і з нямецкай камандай, якая заваявала бронзу ў біятлоне: на відэа відаць, як медаль аднаго са спартсменаў зваліўся са стужкі падчас святкавання ў гатэлі.
Аперацыйны дырэктар гульняў Андрэа Франчызі паведаміў, што арганізатары ведаюць пра праблему і высвятляюць яе прычыны. Ён падкрэсліў, што момант уручэння медаля з’яўляецца адным з самых важных для спартсменаў, таму якасць узнагарод павінна быць бездакорнай.
Прадстаўнік Алімпійскага і Параалімпійскага камітэта ЗША заявіў «Бі-бі-сі», што чакае рашэння ад арганізатараў. Пакуль невядома, ці атрымаюць спартсмены новыя медалі замест пашкоджаных.
Гэта не першы выпадак, калі ўзнікаюць пытанні да якасці алімпійскіх узнагарод. Пасля Алімпійскіх гульняў у Парыжы 2024 года было пададзена каля 220 запытаў на замену медалёў з-за зносу і пашкоджанняў. Некаторыя атлеты, у прыватнасці брытанская скакуха ў ваду Ясмін Харпер, заўважалі, што медалі неўзабаве пасля ўручэння пачыналі цямнець. Арганізатары Парыжа-2024 тады паабяцалі замяніць усе пашкоджаныя ўзнагароды.
Лыжнік з Гаіці заняў на Алімпіядзе апошняе месца, але сарваў апладысменты
Ліндсі Вон знаходзіцца ў стабільным стане пасля падзення на Алімпіядзе-2026
У Італіі адкрылі зімовыя Алімпійскія гульні ФОТЫ
Форма зборнай Гаіці выклікала сапраўдны фурор на Зімовых Алімпійскіх гульнях. Але яе ледзь не забаранілі
Віцэ-прэзідэнта ЗША і амерыканскую дэлегацыю асвісталі падчас адкрыцця Алімпіяды ў Мілане
Каментары
Шулер всю ночь играет в карты краплёной колодой, обдирает одного простачка до нитки.
Тот встаёт, спокойно отсчитывает выигрыш, уходит.
Шулер пересчитывает деньги, бледнеет и шепчет:
— Да он же фальшивыми заплатил!..