Ціханоўская павінна сысці, каб цяпер нехта іншы «ні на што не ўплываў» і «рабіў пустыя здымкі з Рутэ ці Тускам»?
У часы маёй ранняй маладосці беларуская апазіцыя вечна аб’ядноўвалася. А цяпер яна пастаянна высвятляе, хто мае быць наверсе, адначасова падкрэсліваючы, што гэта і так ні на што не ўплывае, піша ў фэйсбуку журналіст Дзмітрый Гурневіч.
1. Ціханоўская — нішто. Усе яе сустрэчы ні на што не ўплываюць, гэта спатканні для здымка, палітычны турызм.
2. Ціханоўская павінна сысці, яна павінна аддаць сваю пасаду нам, бо яе тэрмін скончыўся.
Мне складана зразумець гэту логіку. Аддаць пасаду, каб што? Каб цяпер нехта іншы ні на што не ўплываў і рабіў пустыя здымкі з Маркам Рутэ ці Дональдам Тускам? Каб Офіс Святланы Ціханоўскай узначальваў Бабарыка, Пазняк ці Пракоп’еў? Але калі яе дзейнасць роўная нулю, калі яе мандат скончыўся, то навошта прасіць яе сысці? Ігнаруйце яе. Але ўсё атрымліваецца наадварот — за ёй бегаюць, каб казаць, наколькі яна ім абыякавая.
Для мяне барацьба ўнутры дэмсілаў — вечная загадка. У часы маёй ранняй маладосці беларуская апазіцыя вечна аб’ядноўвалася. А цяпер яна пастаянна высвятляе, хто мае быць наверсе, адначасова падкрэсліваючы, што гэта і так ні на што не ўплывае. Гэта абсурд.
Дапусцім, што выхлап ад дзейнасці каманды Ціханоўскай мізэрны. Дык на гэтым фоне геніяльныя ідэі, дзеянні і плён іншых сілаў павінна вылучацца, хочаш — не хочаш. У часы камунізму ў Польшчы існавала «Салідарнасць» і паралельна «Змагарная Салідарнасць». Апошнія вінавацілі першых у мяккасці, згодніцтве і сцвярджалі, што рашучая барацьба з камуністамі — гэта акурат яны, а не звычайная «Салідарнасць». Але вядомая іх адна «рашучая акцыя» — выбух дзвярэй у пустым будынку, звязаным з камуністамі.
Дапусцім, Ціханоўская не змагаецца, а проста катаецца з аховай па свеце і гаворыць. Як у тым анекдоце, дык і вы гаварыце. Хто і што замінае ўсім тым, хто цураецца «офіснай» палітыкі, змагацца так, як яны жадаюць?
У Беларусі забаранілі ютуб, інстаграм, тыкток, электронную пошту, ватсап і стала немагчыма агітаваць, пераконваць у сваёй рацыі беларусаў? У нас тузін незалежных медыя. Мы што, спрачаемся, хто ў нас галоўны? Кожны робіць сваё, для сваёй аўдыторыі, часам лепш, часам горш.
Ціханоўская што, блакуе інтэрнэт, каб нехта не мог камунікаваць з беларусамі ў Беларусі ці ў замежжы? Вунь беларусы за ноч прымусілі вярнуць Лукашэнку асвятленне на вуліцы, звычайным абурэннем у сацсетках. Я школьнікам развозіў улёткі ў суседнія вёскі на ровары, бывала што і на кані. Цяпер жа і каня запрагаць не трэба. Вунь у трэдсе палова Менску сядзіць і траціна чыноўнікаў. Прыходзь, даказвай, пераконвай! Акучвай!
Цяпер чытаюць
Загінуў беларускі добраахвотнік Васіль «Дзір» Рапіцкі9
Каментары
Света не имеет права скрывать зарплату. И таких претензий много
Ніякіх іншых на яе месца або новых пасадаў у офісах-кабінетах не трэба. Калі нехта накшталт Пракоп’ева кудысці лезе, гэта звычайны прайдзісвет.
Хай усе гэтыя пазбаўленыя сэнсу структуры самараспускаюцца калі там шчэ засталіся сумленныя людзі, каторыя ў стане даць аб’ектыўна ацэнку сваёй дзейнасці. Там дзе сапраўды трэба, беларусы самаарганізуюцца.